سوزوکی کلٹس اے جی ایس 2019ء مالک کی نظر سے: قیمت، تفصیلات اور خصوصیات

اِس گاڑی کے مالک نے فروری 2019ء میں سوزوکی کلٹس اے جی ایس 17 لاکھ روپے میں خریدی اور اس میں 25,000 روپے کے ایڈ-آنز لگوائے۔ کار کی تین مختلف قسمیں ہیں جو VXR، VXL اور VXL AGS ہیں، جن میں سے VXL کی مانگ سب سے زیادہ ہے۔ VXL اور VXL AGS کے درمیان صرف ٹرانسمیشن کا فرق ہے۔ AGS بنیادی طور پر  مینوئلی خودکار ٹرانسمیشن اور ایک آٹومیٹک کلچ رکھتی ہے۔ روایتی آٹومیٹک ٹرانسمیشن زیادہ طاقت استعمال کرتی ہے اس لیے AGS ٹرانسمیشن فیول کا بہتر ایوریج رکھتی ہے اور یہ حقیقت ہے کہ سوزوکی کلٹس اپنے بہترین فیول ایوریج کی وجہ سے ہی مشہور ہے۔ 

انٹیریئر اور خصوصیات 

کار کی شکل و صورت جدید قسم کی ہے اور انٹیریئر ڈیزائن بھی اچھا ہے۔ انٹیریئر گنجائش زیادہ ہے اور اگلی نشستیں بہت آرام دہ ہیں۔ البتہ کار میں کوئی آرم ریسٹ موجود نہیں ہے اور مالک کو اسے خود لگوانا پڑا۔ کپ ہولڈرز کی پوزیشن بھی اچھی نہیں ہے۔ ایک 12 -وولٹ چارجر بھی گاڑی میں موجود ہے جو VXR میں دیکھا جا سکتا ہے۔ ڈِگی میں گنجائش مناسب ہے اور زیادہ جگہ پانے کے لیے پچھلی نشستوں کو 60/40 کے تناسب سے تہہ کیا جا سکتا ہے۔ انفارمیشن کلسٹر فوری فیول ایوریج، ایک سے دوسرے مقام تک کا سفر، وقت اور بیرونی درجہ حرارت ظاہر کرتا ہے۔ آڈیو یونٹ کی کوالٹی اچھی ہے۔ اس گاڑی میں کوئی انفوٹینمنٹ سسٹم یا بیک کیمرا  نہیں ہے۔ 

گاڑی کے فیچرز میں کِی لیس انٹری، ایئر بیگز، الائے رِمز، فوگ لائٹس، ABS بریکس، بلوٹوتھ کنیکٹیوٹی وغیرہ شامل ہیں۔ 

وڈیو ریویوز نیچے دیکھیں: 

کارکردگی: 

AGS آٹو گیئر-شفٹ میں تھوڑا سا وقفہ ہوتا ہے کیونکہ ڈوئل-کلچ بہت زیادہ ردعمل دکھانے والا نہیں ہوتا۔ فیول ایوریج کافی اطمینان بخش ہے۔ گرمیوں میں گاڑی کا ایندھن اوسط 16 سے 17 کلومیٹرز اور  سردیوں میں 18 کلومیٹرز فی لیٹر ہے جبکہ طویل فاصلے کے سفر پر یہ 20 سے 21 کلومیٹرز فی لیٹر ہے۔ جب گاڑی فلور ہوتی ہے تو AC اچانک ٹرپ کر جاتا ہے۔ کار کا سسپنشن اچھا ہے اور ہونڈا سے زیادہ ہموار ہے۔ گاڑی کی ہینڈلنگ بھی مؤثر ہے۔ 

اس کار کے پرزے مناسب قیمت پر دستیاب ہیں۔ ہماری طرف سے اتنا ہی، اپنے خیالات نیچے تبصروں میں پیش کیجیے۔