انڈس موٹرز نے ٹویوٹا ہائی لکس کی قیمتوں کا اعلان کردیا

پاکستان میں ٹویوٹا گاڑیاں فروخت کرنے والے ادارے انڈس موٹرز نے نئی ٹویوٹا ہائی لکس ریوو کے ماڈلز، ان کی خصوصیات اور قیمتوں سے متعلق اہم تفصیلات بیان کرتے ہوئے 14 نومبر 2016 سے بُکنگ شروع کیے جانے کا بھی اعلان کردیا ہے۔

پاکستان میں نئی ہائی لکس کے یہ ماڈل پیش کیے جارہے ہیں:
ٹویوٹا ہائی لکس ریوو V گریڈ (آٹو میٹک)
ٹویوٹا ہائی لکس ریوو G گریڈ (مینوئل اور آٹومیٹک)
ٹویوٹا ہائی لکس E گریڈ (مینوئل)
ٹویوٹا ہائی لکس سنگل کیبن (4×2 اور 4×4)
ٹویوٹا ہائی لکس ڈیک لیس

ٹویوٹا ہائی لکس 4×2 ماڈل میں 2500cc انجن کے ساتھ 5-اسپیڈ گیئر باکس دیا جارہا ہے جبکہ 4×4 گاڑیوں میں 3000cc انجن کے ڈیزل انجن کے ساتھ 5-اسپیڈ آٹو میٹک / 6-اسپیڈ مینوئل گیئر باکس دیا جارہا ہے۔ 1KD-FTV ڈیزل انجن (مع VNT) 3400 آر پی ایم پر 163 ہارس پاور جبکہ مینوئل گیئر باکس کے لیے 343 نیوٹن میٹر اور آٹو میٹک کے لیے 360 نیوٹن میٹر ٹارک فراہم کرنے کی اہلیت رکھتا ہے۔ہائی لکس کے تمام ہی ماڈلز یکساں پیمائش اور سیاہ رنگ میں تیار کئے گئے اندرونی حصے (interior) کے حامل ہیں البتہ ریوو ماڈل اضافی چوڑائی اور دو رنگ (سیاہ اور کانسی ) سے تیار کیے گئے اندرونی حصے کی وجہ سے منفرد حیثیت رکھتے ہیں۔

پاکستان میں ٹویوٹا ہائی لکس کے ماڈلز کی قیمتیں یہ ہیں:

ٹویوٹا ہائی لکس ریوو 4×4:

G مینوئل – 37,49,000 روپے
Gآٹومیٹک – 39,49,000 روپے
V آٹومیٹک – 41,99,000 روپے

ٹویوٹا ہائی لکس 4×4:

E (ڈبل کیبن) – 35,49,000 روپے
سنگل کیبن – 33,49,000 روپے

سنگل کیبن 4×2:

ڈیک لیس – 20,59,000 روپے
4×2 اسٹینڈرڈ – 22,59,000 روپے
4×2 بہترین ماڈل – 22,89,000 روپے

پاکستان میں ٹویوٹا ہائی لکس بُک کروانے کے لیے 100 فیصد رقم ادا کرنا ہوگی۔ یاد رہے کہ 4×4 گاڑیوں پر ایڈوانس ٹیکس کی مد میں ٹیکس دہندگان کو 2 لاکھ روپے جبکہ نادہندگان کو 4 لاکھ روپے اضافی ادا کرنا ہوں گے۔