دہائیوں تک نچلے درجے کی مہران جیسی گاڑی ابھرتی ہوئی مڈل کلاس کے لیے جیب دوست گاڑی کے حصول کا جواب تھی۔ البتہ آٹوموبائل انڈسٹری کو ملنے والی نئی زندگی کے بعد مہران کی پرانی اجارہ داری کو بالآخر یونائیٹڈ براوو اور جلد آنے والی پرنس پرل جیسی نئی بجٹ دوست گاڑیوں کے ہاتھوں چیلنج کا سامنا ہے۔
گزشتہ سال یونائیٹڈ براوو نے آٹوموبائل انڈسٹری میں چند نئی راہیں تخلیق کی تھی جب اس نے اپنی مناسب خصوصیات اور سستی قیمت کی حامل گاڑی متعارف کروائی تھی البتہ اب ایک اور بجٹ کار پرنس پرل پاکستانی آٹوموبائل انڈسٹری میں داخل ہو رہی ہے۔
یونائیٹڈ براوو:
800cc کی ہیچ بیک اپنے آغاز سے ہی پاک سوزوکی کی مہران کو چیلنج دینے کے لیے تیار کی گئی تھی (جو گزشتہ دو دہائیوں سے مقامی صنعت میں سب سے زیادہ فروخت ہونے والی گاڑی ہے) ۔ یونائیٹڈ براوو دوسری گاڑیوں کے مقابلے میں کم قیمت اور اضافی خصوصیات رکھتی ہے، جیسا کہ بہتر حفاظت اور ڈرائیو میں مدد۔
ہیچ بیک پاور اسٹیئرنگ، پاور ونڈوز، سینٹرل لاکنگ، فوگ لائٹس، ریئر ویو کیمرا، الائے ویلز اور کونسول میں ایک ٹچ اسکرین میڈیا پینل کی حامل ہے۔ یہ سب کچھ 925,000 روپے کی مناسب قیمت میں۔
مزید یہ کہ اس گاڑی کو ایک اور معروف سوزوکی کار ویگن آر کو بھی متاثر کرنا تھا – البتہ پرنس پرل کے پیش ہونے سے معاملات مزید پیچیدہ ہو گئے ہیں۔
پرنس پرل
ممکنہ طور پر یونائیٹڈ براوو کا سب سے زبردست مقابلہ ہے آنے والی گاڑی پرنس پرل سے۔ یہ گاڑی تقریباً وہی خصوصیات رکھتی ہے لیکن یونائیٹڈ براوو کے 925,000 روپے کے مقابلے میں مزید کم قیمت میں، 8 سے 9 لاکھ روپےکے درمیان کہیں۔
مکمل خصوصیات اور انٹیریئر کی تفصیلات کے بارے میں جاننے کے لیے یہاں کلک کریں
نئی بنیادی نوعیت کی یہ گاڑی 2019ء کے دوسرے ششماہی میں پرنس پرل کے نام سے متعارف کروائی جائے گی ۔ یہ گاڑی اب تک باضابطہ طور پر پیش نہیں کی گئی لیکن باخبر ذرائع کے مطابق پرنس پرل دو ویریئنٹ آٹومیٹک اور مینوئل ورژن پیش کرے گا – جس کی زیادہ سے زیادہ رفتار 120 سے 130 کلومیٹر فی گھنٹہ ہوگی۔
یاد رہے کے پرنس پرل آپشنل ائیربیگ اور سپئیر ٹائر کے ساتھ مارکیٹ میں دستیاب ہو گی۔
دونوں گاڑیوں پرنس پرل اور یونائیٹڈ براوو کے درمیان تقابل کریں تو مقابلہ بہت سخت ہے، جو کہ نیچے دی گئی اسپیک-شیٹ سے ہی ظاہر ہے، دونوں گاڑیاں تقریباً یکساں خصوصیات پیش کرتی ہیں۔
جیسا کہ اسپیک شیٹ میں دیکھا جا سکتا ہے کہ دونوں گاڑیاں تقریباً برابر ہیں کہ جس میں پرنس پرل کو تھوڑی سی برتری حاصل ہے اپنی بہتر قیمت کی وجہ سے۔ لیکن قیمت کا یہ معمولی سا فرق صارفین کے لیے فیصلہ کن عنصر بن سکتا ہے۔ کیونکہ دونوں برانڈز آٹوموبائل شعبے میں نئے نئے ہیں، اس لیے دونوں کے پاس گاڑیوں کے لیے کوئی مخصوص مارکیٹ نہیں ہے پھر بھی یونائیٹڈ نے پاکستان میں یونائیٹڈ موٹر سائیکلوں کے ذریعے کچھ صارفین بنا لیے ہیں۔ لیکن پھر بھی یونائیٹڈ کو برتری حاصل نہیں ہوتی کیونکہ اس وقت آٹوموبائل سیکٹر پر ہونڈا، سوزوکی اور ٹویوٹا کا راج ہے، اس لیے ان کے سوا کسی بھی دوسری آٹوموبائل کمپنی کے لیے اسٹریٹجک خسارہ ہے اور یہی وجہ ہے کہ میدان دونوں گاڑیوں، یونائیٹڈ براوو اور پرنس پرل کے لیے برابر ہے۔
لگ بھگ ایک جیسی خصوصیات پیش کرتے ہوئے بالآخر وہی جیتے گا جو بہتر قیمت پیش کرے گا، اسی وجہ سے پرنس پرل بلاشبہ یونائیٹڈ براوو کو بہت سخت مسابقت دے گی۔
آٹوموٹو انڈسٹری کی تازہ ترین خبروں کے لیے پاک ویلز پر آتے رہیے۔
