گاڑی کا فیول بچانے کے لیے چند آسان تجاویز

0 72

پیٹرولیم مصنوعات کی قیمتوں میں مسلسل اضافے نے ہر ایک کو پریشان کر رکھا ہے۔ اول یہ قیمتیں عالمی منڈی کے اعتبار سے کم زیادہ ہوتی ہیں اور دوم یہ کہ حکومت کی جانب سے اس پر بھاری ٹیکس کے باعث مقامی صارفین اور ڈرائیوروں کو ہر قیمت ادا کرنا پڑتی ہے۔ گو کہ آپ کے اختیار میں فیول کی قیمت نہیں لیکن اس کا استعمال ضرور آپ کے ہاتھ میں۔ اس مضمون میں ہم ایسی آسان اور کارآمد مشورے دے رہے ہیں جن پر عمل کر کے آپ فیول اور پیسے دونوں کی بچت کر سکتے ہیں۔

سب سے پہلی تجویز یہ ہے کہ گاڑی میں تیز رفتاری سے سفر کرنے اور بار بار بریک نہ لگائیں۔ اس سے گاڑی پر غیر معمولی دباؤ پڑتا ہے جس سے 30 فیصد فیول اضافی خرچ ہوتا ہے۔ اگر آپ فیول اور پیسے بچانا چاہتے ہیں تو مناسب رفتار سے گاڑی چلائیں تاکہ اچانک بریک لگانے کی نوبت ہی نہ آئے۔

اس کے علاوہ گاڑی کو درست گیئر پر چلانا بھی اہم ہے۔ ایک خاص رفتار کے بعد گیئر ضرور بدلیں بصورت دیگر بہت زیادہ فیول خرچ ہوسکتا ہے۔ عام طور پر دیکھا گیا ہے کہ لوگ غلط گیئر میں گاڑی کو کافی دیر تک چلاتے رہتے ہیں جس سے فیول کی بچت ناممکن ہو جاتی ہے۔ اگر رفتار کے مطابق گیئر استعمال کیے جائیں تو 15 فیصد فیول کی بچت ممکن ہے۔ اس کے علاوہ تمام الیکٹرک کی چیزیں بھی بند رکھیں اور انہیں حسب ضرورت استعمال کریں۔

ایک اور معمولی سمجھی جانے والی چیز ٹائر میں ہوا کا پریشر ہے۔ یہ بہت اہم ہے کہ ٹائر میں مناسب پریشر موجود ہو کیوں کہ یہی امر انجن کو کم یا زیادہ طاقت لگانے پر مجبور کرتا ہے اور زیادہ انجن استعمال ہونے کا مطلب زیادہ فیول خرچ ہونا ہی ہے۔ اس لیے ضروری ہے کہ ٹائر میں ٹھیک پریشر رکھیں جس سے 3 فیصد فیول کم خرچ ہوگا۔ گاڑیاں بنانے والے عام طور پر اس حوالے سے ہدایات دیتے ہیں تاکہ آپ کو بہترین مائلیج میسر آئے۔ اس کے علاوہ کار بنانے والے ادارے ہی کا تجویز کردہ فیول اور انجن آئل استعمال کریں۔

 ایئر فلٹر اور اسپارک پلگ کا بروقت تبدیل کرنا اور گاڑی میں اضافی بوجھ نہ ڈالنا بھی فیول کی بچت کا ضامن ہے۔ گاڑی کو ایک جھٹکے سے رفتار نہ دینا اور ہائی وے پر 10-15 کلومیٹر فی گھنٹہ کے اندر رفتار رکھنا بھی 20 فیصد تک فیول کی بچت فراہم کر سکتا ہے۔ علاوہ ازیں گاڑی کی ویل الائنمنٹ درست رکھنا بھی انجن کو غیر ضروری دباؤ سے محفوظ رکھتا ہے۔

ہائی وے پر گاڑی چلاتے ہوئے کھڑکی کے شیشے بند رکھیں اور حسب ضروری ایئرکنڈیشن استعمال کریں۔ عام طور پر ہائی وے پر گاڑی چلاتے ہوئے شیشے کھولنے سے گاڑی کے سامنے ہوا کے دباؤ میں اضافہ ہوجاتا ہے جسے ختم کرنے کے لیے انجن کو زیادہ قوت صرف کرنا پڑتی ہے۔ اس لیے بہتر ہے کہ شیشے بند رکھیں اور ایئرکنڈیشن کی مدد سے گرمی کو ہرائیں۔

ہمیں امید ہے کہ یہ تجاویز آپ کو ضرور پسند آئی ہوں گی اور آپ اس پر عمل بھی ضرور کریں گے۔ اس بارے میں اپنی رائے ہمیں تبصرے کی صورت میں ضرور پہنچائیں۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.