کِیا سٹونک، بی سیگمنٹ کراس اوور 5 ماہ قبل نومبر 2022 میں لانچ کی گئی۔ مارکیٹ رپورٹس کے مطابق نومبر 2021 سے فروری 2022 تک کیِا سٹونک کے 1304 یونٹس فروخت ہوئے ہیں۔ کیا یہ سچ ہے؟ کیا کمپنی واقعی سٹونک کی ماہانہ 330 اوسط سیل کا ہدف حاصل کرنے میں کامیاب ہوئی ہے؟ آئیے معلوم کرتے ہیں۔
چونکہ کِیا پاما (پاکستان آٹوموبائل مینوفیکچررز ایسوسی ایشن) کا رکن نہیں ہے، اس لیے کمپنی کے سیلز نمبرز پاما کی جانب سے جاری کیے جانے والی ماہانہ رپورٹ میں شامل نہیں ہیں۔ سٹونک کی سیل کی تصدیق کرنے کا واحد طریقہ خود کمپنی کے ذریعے ہے۔ لہذا، ہم نے کمپنی سے ان کے نئے کراس اوور کی 1,304 فروخت کے بارے میں پوچھنے کے لیے رابطہ کیا لیکن کمپنی نے کوئی تصدیق نہیں کی۔
ہم یہ نہیں کہہ سکتے کہ سٹونک کی سیل سے متعلق یہ اعداد و شمار درست ہیں یا نہیں لیکن اگر یہ درست ہیں تو اس کا مطلب ہے کہ کِیا کی یہ بی سیگمنٹ کراس اوور مارکیٹ میں بہت اچھا کام کر رہی ہے۔
کِیا سٹونک کا ڈیلیوری ٹائم
سٹونک کی 1304 یونٹس سیل کی تصدیق نہیں ہوئی ہے لیکن یقینی طور کچھ زیر التواء بکنگز ہیں۔ کمپنی سٹونک بہت سے بک شدہ یونٹس کی ڈلیوری پر کام کر رہی ہے۔ سٹونک کا ڈلیوری ٹائم تین ماہ ہے. اگر آپ ابھی کار بُک کرتے ہیں تو آپ کو یہ جون 2022 میں مل جائے گی۔
موجودہ قیمت
کِیا گاڑیوں کی قیمت میں حالیہ اضافے کے بعد سٹونک ایکس کی ایکس فیکٹری قیمت 4150000 روپے ہے جبکہ سٹونک ایکس پلس کی قیمت 4450000 روپے ہے۔
سٹونک اب تک کی سب سے چھوٹی کراس اوور ہے۔ کمپنی نے یہ بی سیگمنٹ کراس اوور پاکستانی سیڈان اُن صارفین کے لیے متعارف کرائی ہے جو انٹری لیول کراس اوور پر جانا چاہتے ہیں۔ اس کے علاوہ دیگر بی سیگمنٹ کراس اوور ایم جی زیڈ ایس، پیجو 2008، چیری ٹیگو 4 پرو، اور سی سیگمنٹ سیڈانز ہنڈا سوِک، ٹویوٹا کرولا اور ہیونڈائی ایلانٹرا میں کافی مقابلہ دیکھا جا رہا ہے۔
سٹونک کے بارے میں تفصیل سے جاننے کے لیے ایکسپرٹ ریوئیو دیکھیں اور کمنٹس سیکشن میں اپنے خیالات کا اظہار کریں۔
