ملک کے معاشی حالات میں تنزلی کے اور مہنگائی کے شکار عوام کی قوت خرید ختم ہونے کے بعد پاکستان میں کار کمپنیز کو سخت مشکلات کا سامنا ہے۔ پیداوار میں کمی کے باوجود کم ہوتے ہوئی سیلز نے آٹو کمپنیز کو اپنی گاڑیوں کے مشہور ماڈلز پر مختلف آفرز پر مجبور کر دیا ہے تاکہ صارفین کو کسی طرح راغب کیا جائے۔
اسی طرح ٹویوٹا پاکستان کی طرف سے جانے والی سوشل میڈیا پوسٹس میں ٹویوٹا کرولا اور یارس پر آفرز لگا دی ہیں۔ جس کے تحت آپ یہ دونوں ماڈلز آسان اقساط پر خرید سکتے ہیں۔
کمپنی کی سوشل میڈیا پوسٹ میں لکھا گیا ہے کہ:
“ٹویوٹا پاکستان میں ٹویوٹا کرولا یا یارِس کی ملکیت کے خوابوں کو حقیقت بنانے کے لیے پرعزم ہے۔ یہی وجہ ہے کہ میزان بینک کے ساتھ ہماری شراکت اس بات کو یقینی بناتی ہے کہ اب آپ بغیر کسی پریشانی کے ٹویوٹا کار خرید سکتے ہیں۔
شرائط و ضوابط:
- خصوصی رعایتی ماہانہ قسط
- تکافل کی خصوصی 4 فیصد شرح
- ٹویوٹا پروٹیکشن پلان
- فری چوتھے سال کی بیسِک ایکسٹینڈڈ وارنٹی
- فوری ڈلیوری (10 دنوں کے اندر)
- پروسیسنگ فیس میں 50 فیصد چھوٹ
ایک اور آفر
ٹویوٹا پاکستان نے فیصل بینک کے ساتھ شراکت ڈاری کرتے ہوئے ایک اور آفر کا اعلان کیا ہے۔
یہاں شرائط و ضوابط ہیں:
شرائط و ضوابط:
- ڈسکاؤنٹڈ پرافٹ ریٹ
- خصوصی تکافل 5 فیصد شرح
- فوری ڈلیوری (10 دنوں کے اندر)
- پروسیسنگ فیس میں 50% چھوٹ
یہ اقدامات ٹویوٹا پاکستان کے اقتصادی چیلنجوں سے نمٹنے اور اختراعی حل تلاش کرنے کے عزم کی عکاسی کرتے ہیں۔ پرکشش آفرز فراہم کر کے کمپنی نہ صرف اپنی فروخت کو بڑھانے کے لیے کوشاں ہے بلکہ آٹو موٹیو انڈسٹری کو بحال کرنے میں بھی اپنا حصہ ڈال رہی ہے، جو کہ قومی معیشت کا ایک اہم جزو ہے۔
آپ ان آفرز کے بارے میں کیا سوچتے ہیں؟ کمنٹس سیکشن میں اپنے خیالات کا اظہار کریں۔
