گزشتہ سال سٹیٹ بینک آف پاکستان کی جانب سے عائد پابندیوں کی وجہ سے مختلف کمپنیز کم انوینٹری کی وجہ سے پیداوار کو بار بار بند کرنا پڑا۔ جسب کی وجہ سے تمام کار کمپنیز سیلز اور پیداوار میں شدید کمی کا سامنا کرنا پڑا۔
اس کے برعکس، چنگان پاکستان نے اپنے اسمبلی پلانٹس میں پائیدار پیداوار جاری رکھنے کے لیے ایک الگ حکمت عملی اپنائی۔ نتیجتاً، کمپنی کے پاس پیش کرنے کے لیے ایک الگ لیکن کامیاب صورتحال ہے۔
ایک تازہ ترین پیش رفت کے مطابق چنگان موٹرز لمیٹڈ نے پاکستان میں 40000 گاڑیاں تیار کرنے کا کارنامہ انجام دیا ہے۔ یہ اہم کامیابی کمپنی کی غیر متزلزل لگن اور پاکستانی آٹو موٹیو مارکیٹ میں اس کے بڑھتے ہوئے اثرات کو ظاہر کرتی ہے۔
اس دوران کمپنی نے اپنے وفادار صارفین، وقف ملازمین، قابل اعتماد ڈیلر پارٹنرز اور مینوفیکچرنگ کے قابل قدر شراکت داروں کا تہہ دل سے شکریہ ادا کرتی ہے۔ جن کی مشترکہ کوششوں نے اس کامیابی کو حقیقت بنانے میں اہم کردار ادا کیا ہے۔
ایک اور کامیابی
گزشتہ سال ماسٹر چنگان موٹرز نے Oshan X7 کے 14 یونٹس پر مشتمل پہلی کھیپ کامیابی کے ساتھ کینیا اور تنزانیہ کی مارکیٹوں میں فروخت کے لیے برآمد کی۔
کمپنی نے ایک بیان میں کہا کہ چنگان پاکستان کی تکنیکی طور پر جدید ترین ایس یو ویز برآمد کرنے والی پہلی کمپنی بن گئی ہے جبکہ اوشان X7 انٹرنیشنل مارکیٹ میں پیش کی جانے والی پہلی SUV تھی۔
کمپنی نے مطلع کیا کہ وہ یورپ، امریکہ، مشرق وسطیٰ اور افریقہ، ایشیا پیسیفک اور سی آئی ایس تک اپنے قدم کو بڑھانے پر توجہ مرکوز کر رہی ہے، جو 2030 تک 90 فیصد عالمی منڈیوں میں داخل ہو جائے گی۔
خیال رہے کہ ’’میڈ اِن پاکستان‘‘ گاڑیوں کی برآمد کا مکمل انحصار آٹو موٹیو انڈسٹری کو فروغ دینے کیلئے وفاقی حکومت کی پالیسیوں پر ہے۔
چنگان پاکستان کے اس نئے سنگ میل پر آپ کا کیا خیال ہے؟ کمنٹس سیکشن میں ہمیں بتائیں۔
