اے سی والے سوزوکی بولان کی تصاویر آ گئیں

انتظار ختم!  کیونکہ AC والا سوزوکی بولان آ چکا ہے۔ تاہم، کچھ شکوک و شبہات پائے جاتے ہیں جن کے بارے میں ہم بات کریں گے۔ ویسے بھی اگر آپ کو یاد ہو تو ہم نے آپ کو بتایا تھا کہ پاک سوزوکی AC والا سوزوکی بولان لانے کے لیے مکمل طور پر تیار ہے۔ ستمبر 2021 میں اس خبر نے مقامی آٹو انڈسٹری میں شور پیدا کیا تھا اور لوگ اس کے لیے کافی پرجوش تھے۔

اگرچہ بہت سی متضاد اطلاعات پائی جاتی تھیں کیونکہ سوزوکی کمپنی نے اس خبر کی تصدیق کی تھی جبکہ ڈیلرشپس اس بارے میں پریقین نہیں تھے۔ اس اے سی والے سوزوکی بولان کی چند تصاویر یہ ہیں۔

Suzuki Bolan AC

Prev 1 کا 5 Next

قیمت

ڈیلرشپس کے مطابق اس گاڑی کی قیمت 1,265,000 روپے ہے جبکہ سوزوکی بولان VX یورو II کی موجودہ قیمت 1,178,000 روپے ہے۔ یعنی ہے کہ قیمت میں 87,000 روپے کا اضافہ ہوا ہے۔

ڈیلیوری ٹائم

ہم نے سوزوکی کی مختلف ڈیلرشپس سے ڈلیوری ٹائم بارے پوچھا اور انہوں نے ڈیلیوری کے مختلف اوقات بتائے ہیں۔ ایک ڈیلرشپ کے مطابق، آپ موقع پر ہی AC بولان وصول کر سکتے ہیں، جبکہ دوسری ڈیلرشپ نے کہا کہ ڈیلیوری کا وقت 2 ماہ ہے۔

چند متضاد خبریں

ہمارے کچھ ذرائع کے مطابق مذکورہ تصاویر اصلی نہیں ہیں بلکہ کسی نے انفرادی طور پر سوزوکی بولان میں اے سی لگوایا ہے۔ تاہم، اس بات کی تصدیق ہو گئی ہے کہ AC کے ساتھ بولان اگلے چند دنوں میں آ رہا ہے۔

لہذا، ہم AC کے ساتھ بولان ضرور حاصل کریں گے لیکن ہمیں کچھ دن انتظار کرنا پڑ سکتا ہے۔

ایسا پہلی بار نہیں ہوا

AC  والا سوزوکی بولان کوئی نیا ورژن نہیں ہے کیونکہ سوزوکی نے اسے کچھ سال پہلے اسی فیچر کے ساتھ لانچ کیا تھا۔ تاہم، اے سی بولان مقامی مارکیٹ میں ناکام ہو گیا۔ لہذا کمپنی نے اس ویرینٹ کو بند کر دیا گیا تھا. تفصیلات کے مطابق، اس ویرینٹ کو اوورہیٹنگ گرمی اور لو پِک جیسے مسائل کا سامنا کرنا پڑا۔ اس کے علاوہ اس ویرینٹ میں 800 انجن دیا گیا تھا اور سوزوکی مہران میں اِس انجن پر اے سی کی کارکردگی ہم سب جانتے ہیں۔ لہٰذا، ہمیں نہیں لگتا کہ بولان میں AC کو دوبارہ متعارف کروانا سوزوکی کی طرف سے بہت اچھا قدم ہوگا کیونکہ اے سی اس انجن کے سائز پر اچھی کارکردگی نہیں دکھائے گا۔

جیسا کہ پہلے ذکر کیا گیا ہے اے سی والا بولان ویرینٹ پاکستان میں کامیاب نہیں تھا۔ لہذا، امید ہے کہ سوزوکی اس بار ایک موثر AC متعارف کرائے گی۔