ڈالر کے مقابلے میں روپے کی قدر میں کمی سے معیشت میں مزید گراوٹ کا سامنا ہے۔ مقامی سطح پر بائکس اور گاڑیاں تیار کرنے والی کمپنیوں نے قیمتوں میں اضافہ کردیا ہے۔ دیگر کار کمپنیوں کے بعد اب اٹلس ہنڈا نے بھی ہنڈا بائک کی قیمت میں گزشتہ 30 دنوں میں اپنی بائکس کی قیمتیں دوسری بار بڑھا دی ہیں۔ اس سے قبل 30 مارچ کو کمپنی نے اپنی بائکس کی قیمتیں بڑھائی تھیں۔
نوٹیفکیشن کے مطابق نئی قیمتوں کا اطلاق 1 مئی 2023 سے ہوگا۔
ہنڈا بائکس کی نئی قیمتیں
کمپنی کے نوٹیفکیشن کے مطابق نئی قیمتوں کا اطلاق 3 مارچ 2023 سے ہوگا
- ہنڈا سی ڈی 70 کی قیمت اب 154900 روپے ہوگی جبکہ پرانی قیمت 149900 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی ڈی 70 ڈریم کی قیمت 160900 روپے سے بڑھ کر 165900 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- ہنڈا پرائیڈر کی قیمت 197900 روپے سے بڑھ کر 203900 روپے ہو چکی ہے۔ یعنی بائک کی قیمت میں 6000 روپے اضافہ کیا گیا ہے۔
- اسی طرح کمپنی کی دوسری سب سے مشہور موٹر سائیکل ہنڈا سی جی 125 کی قیمت اب 229900 روپے ہوچکی ہے جبکہ پرانی قیمت 222900 روپے تھی۔ یعنی بائک کی قیمت میں 7000 روپے اضافہ کیا گیا ہے۔
- ہنڈا سی جی 125 SE کی قیمت 265900 روپے سے بڑھ کر 275900 روپے ہو چکی ہے۔ یعنی بائک کی قیمت میں اب 10000 روپے اضافہ ہو چکا ہے۔
- ہنڈا 125 F CB کی قیمت میں 15000 روپے اضافہ ہو چکا ہے۔ جس کے بعد بائک کی قیمت 365900 روپے سے بڑھ کر 380900 روپے ہو چکی ہے۔
- ہنڈا 150 F کی نئی قیمت 473900 روپے ہو چکی ہے جبکہ پرانی قیمت 458900 روپے ہے۔ یعنی بائک کی قیمت میں 15000 روپے اضافی کیا گیا ہے۔
بائکس کی قیمتوں میں اضافے کے بارے میں آپ کا کیا خیال ہے؟ کمنٹس سیکشن میں اپنی رائے سے آگاہ کریں۔
