ہونڈا اور یاماہا نے موٹر سائیکلوں کی قیمتیں بڑھا دیں

اٹلس ہونڈا اور یاماہا موٹرز پاکستان نے اپنی موٹر سائیکلوں کی قیمتیں بڑھا دی ہیں۔ کمپنیوں نے کہا ہے کہ انہوں نے یہ قدم امریکی ڈالر کے مقابلے میں روپے کی قدر میں آنے والی کمی کی وجہ سے اٹھایا ہے۔

دونوں مینوفیکچررز کا کہنا ہے کہ نئی قیمتیں یکم جولائی 2020 سے لاگو ہوں گی۔

ہونڈا کی قیمتوں میں اضافہ:

اٹلس ہونڈا کے نوٹیفکیشن کے مطابق قیمتوں میں اضافہ 20,000 روپے تک کا کیا گیا ہے۔ نوٹیفکیشن کا کہنا ہے کہ ہونڈا CD70 کی قیمت میں 1,400 روپے کا اضافہ کیا گیا ہے۔ ہونڈا CG125 نے 2,400 روپےکا اضافہ دیکھا جبکہ CG125S اور CG125SE کی قیمتوں میں 3,000 ہزار روپے کا اضافہ کیا گیا ہے۔ اس کے علاوہ CB150F نے 20,000 روپے کا اضافہ دیکھا ہے۔

اس تبدیلی کے بعد ہونڈا CD70 کی قیمت 75,000 روپے سے بڑھ کر 76,900 روپے ہو گئی ہے جبکہ CG125 اب 1,28,900 روپے ہوگی جس کی پچھلی قیمت 1,25,000 روپے تھی۔

یاماہا کی قیمتوں میں اضافہ:

دوسری جانب، یاماہا موٹرز نے اپنی موٹر سائیکلوں کی قیمتوں میں 6,000 روپے تک کا اضافہ کیا ہے

کمپنی کے نوٹیفکیشن کے مطابق یاماہا YB125Z کی نئی قیمت 5,000 روپے کے اضافے کے ساتھ 1,51,000 روپے ہوگی۔ اس کے علاوہ یاماہا YBR 125G کی قیمت اب 1,78,000 روپے اور یاماہا YBR125 کی نئی قیمت 1,69,000 روپے ہوگی۔ دونوں موٹر سائیکلوں کی قیمتوں میں بالترتیب 6,000 اور 5,000روپے کا اضافہ ہوا ہے۔

بجٹ ‏2020-2021 میں رعایت:

یہ بات قابلِ ذکر ہے کہ حکومت نے بجٹ ‏2020-21 میں 200cc تک کا انجن رکھنے والی گاڑیوں پر ایمبٹ آف ایڈوانس ٹیکس (AAT) کا خاتمہ کر دیا ہے۔ اپنی بجٹ تقریر کے دوران وفاقی وزیر برائے صنعت و پیداوار حماد اظہر نے کہا تھا کہ یہ قدم معاشرے کے نچلے طبقات کو سہولت فراہم کرنے کے لیے اٹھایا جا رہا ہے۔

قیمتوں میں نیا اضافہ پاکستان میں پہلے سے ہی مشکلات کا سامنا کرنے والی آٹو مارکیٹ کو مزید متاثر کرے گا۔ پاکستان آٹوموٹو مینوفیکچررز ایسوسی ایشن (PAMA) کے مطابق مئی 2020ء میں دو اور تین پہیوں والی گاڑیوں کے 38,167 یونٹس فروخت ہوئے۔ یہ سیلز مئی 2019 کی 1,54,782 گاڑیوں کے مقابلے میں بہت کم ہیں۔ رپورٹ کا کہنا ہے کہ موجودہ مالی سال کے دوران موٹر سائیکلوں اور رکشوں کی فروخت نے 27 فیصد کمی کا سامنا کیا ہے کہ جس کے پچھلے سال کے 1.64 ملین کے مقابلے میں 1.22 ملین یونٹس ہی فروخت ہوئے۔

آٹو انڈسٹری کے حوالے سے مزید تازہ خبروں، اپڈیٹس اور ریویوز کے لیے PakWheels.com پر آتے رہیے۔