پاکستان میں آنے والی شاؤمی SU7 کے ایکسٹیرئیر اور انٹیرئیر کی تصاویر

گزشتہ ہفتے ہم نے آپ کو بتایا تھا کہ شاؤمی SU7 کو کراچی پورٹ پر دیکھا گیا ہے، اور یہ افواہیں تھیں کہ ائیرلنک جو پاکستان میں شاؤمی اور ریڈمی موبائل فونز کی مالک اور تیار کنندہ کمپنی ہے، شاؤمی SU7 کو پاکستان میں باضابطہ طور پر لانچ کرے گی۔

تاہم، ابھی تک اس بارے میں کوئی تصدیق نہیں ہوئی اور جیسے ہی کوئی مستند خبر ملے گی، ہم آپ کو آگاہ کریں گے۔ اس گاڑی کو سوشل میڈیا پر گردش کرنے والی ایک ویڈیو میں دیکھا گیا جو کافی دھندلی تھی اور اس میں گاڑی کے بیرونی حصے کی تفصیلات نظر نہیں آئیں جبکہ اندرونی حصہ بالکل نہیں دکھایا گیا۔ لیکن خوشخبری یہ ہے کہ ہمیں شاؤمی SU7 کے انٹیرئیر اور ایکسٹیرئیر کی تفصیلی تصاویر تک رسائی حاصل ہو گئی ہے۔

شاؤمی SU7 کی تصاویر

گاڑی کی تصاویر ذیل میں موجود ہیں:

Prev 1 کا 8 Next

اگرچہSU7  شاؤمی کی پہلی کار ہے اور یہ شاؤمی کی وہ الیکٹرک گاڑی نہیں جیسا آپ سوچ رہے ہیں۔ یہ ایک مکمل C-سگمنٹ لگژری سیڈان ہے جو پورشے ٹیکان اور آڈی ای ٹران جی ٹی جیسی گاڑیوں کا مقابلہ کرتی ہے۔ مگر اس گاڑی کی وہ قیمت نہیں ہے جو اِن گاڑیوں کی ہے۔ بدقسمتی سے یہ پھر بھی پاکستان میں زیادہ تر لوگوں کی پہنچ سے باہر ہو گی، بلکہ خاص طور پر اس کا ہدف ایلیٹ طبقہ ہے۔

قیمت

کیا آپ قیمت جاننا چاہتے ہیں؟ SU7 کے بیس ویریئنٹ کی قیمت ¥215,900 ہے، جو پاکستانی کرنسی میں تقریباً 8.2 ملین روپے بنتی ہے۔ اسے پاکستان میں درآمد کرنے اور ڈیوٹی اور ٹیکسز ادا کرنے کے بعد، اس کی قیمت کم از کم 2.5 سے 3 کروڑ روپے ہو گی۔ یہ صرف ہمارا اندازہ ہے۔

فیچرز و دیگر خصوصیات

ذیل میں Xiaomi SU7 کے کچھ اہم فیچرز اور خصوصیات دی گئی ہیں:

آپ کو کیا لگتا ہے کہ کیا یہ کار پاکستان میں لانچ کی جائے گی؟ کمنٹس سیکشن میں ہمیں بتائیں۔