سوزوکی کچھ سالوں سے ہوم مارکیٹ کے لیے جدید ترین 9 ویں جنریشن کی سوزوکی آلٹو پر کام کر رہی ہے۔ نئی جنریشن کا یہ ماڈل 2020 میں لانچ کیا جانا تھا لیکن عالمی وبا کورونا کے باعث یہ ممکن نہ ہو سکا۔
حالیہ رپورٹس کے مطابق 9ویں جنریشن کی آلٹو جاپان میں اگلے سال جنوری میں لانچ کی جائے گی اور دلچسپ بات یہ ہے کہ گاڑی کا بروشر لانچ ہونے سے پہلے ہی انٹرنیٹ پر لیک ہو گیا ہے۔
نئی سوزوکی آلٹو کے فیچرز اور خصوصیات
لیک ہونے والے بروشر میں جاپان میں آنے والی 9ویں جنریشن کی سوزوکی آلٹو کے فیچرز اور خصوصیات بتائی گئی ہیں۔
ایکسٹیرئیر
نئی جنریشن آلٹو کی لیک شدہ تصاویر پر ایک دوڑانے پر سب سے پہلے آپ اس کی ڈبہ نما شکل نظر آئے گی۔ گاڑی کی پیمائش کی بات کی جائے تو نئی آلٹو موجودہ ماڈل سے قدرے لمبی اور اونچی ہے۔
گاڑی کے فرنٹ پروفائل پر ڈوئل بیم پروجیکٹر ہیڈلائٹس دی گئی ہیں جبکہ ٹیل لائٹس پرانے ماڈلز کی طرح دکھائی دیتی ہیں۔ اس کے علاوہ گاڑی کے ایکسٹیرئیر میں ایک چھوٹی فرنٹ گرل اور دو ہیڈلائٹس کے درمیان ایک کروم بار، کھڑکی کے بڑے شیشے، پُل اپ ڈور ہینڈلز اور 14 انچ کے ملٹی سپوک الائے وہیل شامل ہیں۔
انٹیرئیر
نئی جنریشن سوزوکی کے انٹیرئیر کی تقریباً ہر چیز کو نئے سرے سے ڈیزائن کیا گیا ہے۔ کیبن میں ایک نیا ڈیش بورڈ لے آؤٹ، 7 انچ کا ٹچ اسکرین انفوٹینمنٹ سسٹم، ورٹیکل اورینٹڈ AC وینٹ، ایک سیمی ڈیجیٹل انسٹرومنٹ کنسول، ایک مینوئل AC، اور آڈیو کنٹرولز کے ساتھ ملٹی فنکشن اسٹیئرنگ وہیل بھی دیکھنے کو ملتا ہے۔
انجن
نئی سوزوکی آلٹو 2022 سب سے کم ایندھن استعمال کرنے والی کاروں میں سے ایک ہوگی۔ اس گاڑی کے بیس ویرینٹ میں نیا 660 سی سی اِن لائن 3- سلنڈر نیچرلی ایسپائریٹڈ انجن دیا گیا ہے جبکہ اس گاڑی کا اَپر ویرینٹ ہلکا ہائبرڈ سسٹم بھی دیا جائے گا۔
یہی وہ سب کچھ ہے جو ہم جاپانی مارکیٹ کے لیے آنے والی 9 ویں جنریشن آلٹو کے بارے میں جانتے ہیں۔ ہمارے پاس 2019 سے آٹھویں جنریشن کی سوزوکی آلٹو ہے، جو پاکستان کی نئی مہران بن گئی ہے۔ پاک سوزوکی ہر ماہ آلٹو کے 3500 سے 5000 یونٹس فروخت کرتی ہے۔ لہذا، بہت کم امکانات ہیں کہ پاکستان میں نے نئی آلٹو جلد لانچ کی جائے گی۔
