پاکستان سوزوکی اب بھی پاکستان کی بڑی کار کمپنی لیکن کیسے؟

فروخت میں ریکارڈ کمی اور یکے بعد دیگرے پروڈکشن بند ہونے کے باوجود، پاکستان سوزوکی موٹرز کمپنی (PSMC) نے ملک کی سب سے بڑی کار ساز کمپنی کا اعزاز حاصل کر لیا ہے۔ پاک سوزوکی مارکیٹ شیئر کے لحاظ سے اس وقت ملک کی سب سے بڑی کمپنی ہے۔

رپورٹس کے مطابق، پاکستان سوزوکی نے پاکستان میں 40 سال سے زائد عرصے میں 2.5 ملین گاڑیاں تیار کرتے ہوئے ایک نیا سنگ میل عبور کیا۔ کمپنی کی سستی کاریں، جیسا کہ مہران  نے 2019 سے پہلے اور اس کے بعد سوزوکی کی بیسٹ سیلر آلٹو  نے سیلز میں اہم کردار ادا کیا۔ اس کے علاوہ  کلٹس، ویگن آر، اور بولان نے بھی اپنا سیلز میں اضافہ کیا۔

موجودہ حالات

پچھلے دو مہینوں میں، پاکستان سوزوکی نے درآمدی پابندیوں کےباعث ایک خوفناک صورتحال دیکھی ہے جس کی وجہ سے فروخت اور پیداوار میں کمی واقع ہوئی ہے۔ کمپنی نے فروری 2023 میں 1,000 سے کم یونٹس فروخت کیے تھے۔ جنوری کے شروع میں، پاک سوزوکی نے صرف 44 آلٹوز فروخت کیں جو کمپنی کے بہترین فروخت کنندہ کے لیے بدترین لمحہ تھا ہے۔

پاکس سوزوکی نے یہ بھی اعلان کیا ہے کہ وہ اپنی موٹرسائیکل فیکٹری کی پیداواری بندش کو 15 اپریل تک طول دے گی۔ اس کے علاوہ، کمپنی 07 اپریل 2023 سے 14 اپریل 2023 تک آپریشن بھی بند کر رہی ہے۔

کمپنی نے اس وسیع شٹ ڈاؤن کی بڑی وجہ خام مال کی کمی بتائی ہے۔ درآمدی پابندیاں آٹو انڈسٹری پر مسلسل تباہی مچا رہی ہیں کیونکہ کئی کمپنیاں اپنا کام بند کرنے پر مجبور ہیں۔

پاک سوزوکی نے پاکستان اسٹاک ایکسچینج (PSX) کو ایک نوٹس میں اس خبر سے آگاہ کیا۔

اس میں مزید کہا گیا ہے، “آٹو موبائل پلانٹ 07 اپریل 2023 اور 14 اپریل 2023 کو بھی انوینٹری کی سطح کی کمی کی وجہ سے بند رہے گا۔”

مارکیٹ شیئر کے لحاظ سے پاکستان سوزوکی کے نئے سنگ میل کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔