پاک ویلز کار انسپکشن سروس ایک جامع معائنہ سروس ہے جہاں ایک ماہر جدید آلات اور تکنیکوں کا استعمال کرتے ہوئے گاڑی کی جانچ کیلئے کار کے چیک لسٹ کے مطابق 200 سے زائد پوائنٹس کا معائنہ کرتا ہے۔ آپ جب چاہیں، جہاں چاہیں، اس سروس سے ستفادہ حاصل کر سکتے ہیں۔ ہماری یہ سروس گاڑی کا ایکس رے کے مترادف ہے۔
انسپیکشن میں کیا کیا شامل ہے؟
جیسا کہ ذکر کیا گیا ہے کار کا معائنہ گاڑی کے 200 سے زائد پوائنٹس پر کیا جاتا ہے۔ جس میں انجن، ٹرانسمیشن، کلچ، سسپنشن، انٹیرئیر باڈی، کار پینٹ، بیرونی باڈی، الیکٹریکل اور الیکٹرانکس، باڈی فریم ایکسیڈنٹ چیک لسٹ، ٹائر چیک، روڈ ٹیسٹ اور بیٹری وغیرہ شامل ہیں۔
پاک ویلز کار انسپیکشن کیوں؟
جامع رپورٹ: تفصیلی ڈیجیٹل رپورٹ میں روڈ ٹیسٹ، تصاویر اور کار کی کنڈیشن کی رپورٹ شامل ہے۔
بہترین ٹیکنیشنز: پاکستان بھر میں گاڑیوں کا جامع معائنہ فراہم کرنے والے ماہر تکنیکی ماہرین۔
ذہنی سکون: اپنی اگلی گاڑی کی خریداری کے بارے میں بہترین فیصلہ کرنے کے لیے درکار معلومات حاصل کریں۔
ڈور سٹیپ سروس: ایک بار سروس کا آرڈر دینے پر ہماری ٹیم تفویض کردہ مقام یا آپ کے گھر پہنچے گی۔
کار انسپکشن سروس کیسے بک کروائیں؟
کار انسپکشن سروس کی بکنگ کیلئے آپ ہمیں 042111 943 357 پر کال کر سکتے ہیں یا آن لائن درخواست دے کر اور ملاقات کا شیڈول طے کر سکتے ہیں جس کے بعد کار انسپکشن ٹیم آپ کی دہلیز پر پہنچ کر آپ کی کار کا معائنہ کرے گی۔ عام طور پر گاڑی کا معائنہ کرنے میں 30 سے 45 منٹ لگتے ہیں جس کے بعد رپورٹ موقع پر آپ کے حوالے کی جائے گی۔
معائنہ کی قیمت:
1000سی سی تک کی گاڑیوں کے لیے یہ سروس حاصل کرنے کے کے چارجز 3000 روپے ہیں۔ اس کے علاوہ 1000 سی سی سے اوپر کی گاڑیوں کیلئے چارجز 5000 روپے ہیں۔ مزید برآں، پریمیم کاروں کے لیے جن میں 4 × 4، جیپ اور جرمن گاڑیاں شامل ہیں، آپ کو 7500 روپے ادا کرنا ہوں گے۔ معمولی رقم کے ساتھ آپ اپنی گاڑی یا اس گاڑی کی مکمل رپورٹ حاصل کر سکتے ہیں جو آپ خریدنا چاہتے ہیں۔
پاک ویلز کار انسپکشن رپورٹ کیسے پڑھیں؟
مین پیج
رپورٹ کھولنے کے بعد آپ کو مرکزی صفحے پر لے جایا جاتا ہے۔ اس صفحے پر آپ کار کا میک اور ماڈل دیکھیں گے، مثال کے طور پر ٹویوٹا کرولا 2012. میک اور ماڈل کے نیچے آپ 10 میں سے گاڑی کی مجموعی درجہ بندی دیکھ سکیں گے مثال کے طور پر 10/5۔ یہ درجہ بندی گاڑی کی کنڈیشن کے بارے میں ایک جامع تفصیلات فراہم کرتی ہے۔
گاڑی کی تفصیلات
اس کے بعد ، اگر آپ نیچے سکرول کرتے ہیں تو آپ کو گاڑی کی مزید تفصیلات نظر آئیں گی۔ ان تفصیلات میں کسٹمر کا نام ، انجن کی کپیسٹی ،مائلیج، ٹرانسمیشن ٹائپ، معائنہ کی تاریخ، چیسی نمبر، انجن ٹائپ، رجسٹریشن نمبر، فیول ٹائپ، رنگ، لوکیشم اور رجسٹریشن سٹی شامل ہیں۔ یہاں اس بات کو یقینی بنائیں کہ رپورٹ پر چیسس نمبر گاڑی پر لیبل والے نمبر سے مماثلت رکھتا ہے۔
8 اہم حصے
مزید نیچے سکرول کرنے پر آپ کو کار کے آٹھ اہم حصوں کی حالت کی تفصیل ملے گی۔ یہاں آپ کو اعداد و شمار اور رنگین لائنوں کا تناسب ںطر آئے گا جو گاڑی کے ان حصوں کی حالت یا صحت ظاہر کرتے ہیں۔ اس سے آپ کو اس بات کا تعین کرنے میں مدد ملتی ہے کہ گاڑی کے کون سے حصے سب سے زیادہ خراب ہیں اور مستقبل میں آپ کے لیے مسئلہ پیدا کر سکتے ہیں۔
اگر آپ گاڑی کے ان آٹھ پہلوؤں کی گہرائی میں جانا چاہتے ہیں اور آپ کو ان سے متعلق مزید معلومات درکار ہیں تو نیچے سکرول کرنے پر آپ کو مطلوبہ معلومات مل جائیں گی جنھیں آپ بآسانی تلاش کر سکتے ہیں۔ یہاں آپ کو “view faults only” کے نام سے ایک سوئچ نظر آئے گا۔ اگر آپ نیلے رنگ کا انتخاب کرتے ہیں تو یہ صرف وہ حصے دکھائے گا جن میں خرابیاں ہیں۔ بصورت دیگر، آپ کو ہر حصے کی معلومات ملیں گی، خواہ وہ ناقص ہے یا نہیں۔
جب آپ “+” کے نشان پر کلک کریں گے، تو آپ کو گاڑی کے اس حصے کا تفصیلی جائزہ نظر آئے گا۔ مثال کے طور پر، “انجن/ ٹرانسمیشن/ کلچ” میں، آپ انجن کے تیل کی حالت کو ظاہر کرنے والی تصاویر دیکھ سکیں گے۔ اسی طرح اس زمرے کے ہر پہلو سے منسلک تصاویر موجود ہیں۔ ان تصاویر پر تاریخ اور وقت کے ڈاک ٹکٹ بھی ہیں۔ ہر تصویر کے ساتھ، آپ یہ بھی دیکھیں گے کہ آیا کار کا وہ پہلو خراب ہوا ہے یا نہیں۔
ایکسٹیرئیر اور باڈی
رپورٹ کے ایکسٹرئیر اور باڈی پارٹس کو بہتر طور پر سمجھنے کے لیے ایکسٹیرئیر کنڈیشن کے نام سے موجود ہیڈنگ کے نیچے دئیے گئے گاڑی کے ڈھانچے کو دیکھیں۔ جس کے مختلف حصوں پر لیبل لگا ہوا ہے، مثال کے طور پر، A1 یا A2۔ کار کے ڈھانچے کی تصویر کے نیچے ایک legend ملے گا جو لیبلز کے معنی کو ظاہر کرتا ہے۔ گاڑی کے ڈھانچے کو بہتر طور پر سمجھنے کے لیے legend دیکھیں۔ جب آپ کسی لیبل پر کرسر لائے گے، تو یہ آپ کو اس حصے کی ایک چھوٹی سی تصویر دکھائے گا تاکہ آپ غلطی کو دیکھ سکیں۔ اگر آپ اس پر کلک کریں تو آپ مزید تصاویر دیکھ سکتے ہیں۔ تمام لیبل گاڑی کے جسم پر ڈینٹ یا خروںچ جیسی خرابی کی نشاندہی کرتے ہیں۔
ایکسٹیرئیر اور باڈی کیٹیگری میں نیچے سکرول کرتے ہوئے آپ کو مزید تفصیلات نظر آئیں گی جیسا کہ کاسمیٹکس سے متعلق تفصیلات۔ ان میں سامنے کی ونڈشیلڈ کی حالت، ہیڈلائٹس، ٹیل لائٹس وغیرہ جیسی چیزیں شامل ہیں۔
کار ٹائرز
گاڑی کی ٹائزر دیکھ کر بھی گاڑی کی حالت یا صحت کا اندازہ لگایا جا سکتا ہے۔ آپ “+” کے نشان پر کلک کر کے گاڑی کے ٹائرز کے بارے میں تفصیل سے جان سکتے ہیں۔ یہاں آپ گاڑی کے تمام ٹائرز سمیت سپئیر وہیل کی صحت کا اندازہ لگا سکتے ہیں۔ میٹرک ظاہر کرتا ہے کہ ٹائرز کی کتنی زندگی باقی ہے۔ آپ نیچے ٹائر کا برانڈ بھی دیکھ سکتے ہیں۔ ٹائر کے سائز اور رمزکا بھی یہاں ذکر کیا گیا ہے۔
ٹیسٹ ڈرائیو
رپورٹ میں ایک اور اہم چیز ٹیسٹ ڈرائیو سیکشن ہے۔ یہاں آپ دیکھیں گے کہ ٹیسٹ ڈرائیو کے مختلف پہلوؤں کے بارے میں مکینک کا تجربہ کیسا رہا۔ مثال کے طور پر گاڑی کی بریک کی کارکردگی کا اندازہ لگانے کے لیے آپ دیکھ سکتے ہیں کہ ٹیسٹ ڈرائیو کے دوران ABS نے کیسے کام کیا۔
کمںٹس
کوئی بھی چیز جو رپورٹ میں شامل نہیں ہوتی ہم کمنٹ سیکشن میں اس کا ذکر کرتے ہیں۔ مثال کے طور پر، کلچ پلیٹ یا وہیل بیئرنگ میں کوئی خرابی ہو سکتی ہے۔ کار کے بارے میں اختتامی کمنٹ حاصل کرنے کے لیے آپ کو کمنٹس پر ایک نظر ڈالنا چاہیے۔
اگر آپ کیلئے کار انسپکشن رپورٹ کو پڑھنا یا سمجھنا مشکل ہو تو آپ پاک ویلز کے تینوں ریجنز میں موجود علاقائی مینیجرز سے مشورہ کر سکتے ہیں۔ مزید برآں، آپ اپنے سوالات کے جوابات حاصل کے لیے ہم سے 042 111 943 357 پر بھی رابطہ کر سکتے ہیں۔
