پاکستان میں کاروں کی سیلز میں بہتری آنا شروع ہو چکی ہے۔ گزشتہ کئی ماہ سے گاڑیوں کی قیمتیں بھی مستحکم ہیں۔ یعنی مجموعی طور پر مقامی کار مارکیٹ بحالی کی راہ پر گامزن دکھائی دیتی ہے۔ مئی 2024 کے بعد ایک بار پھر گاڑیوں کی فروخت میں اضافہ دیکھنے میں آیا ہے۔
پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق، گاڑیوں کی سیلز میں گزشتہ ماہ 21 فیصد کا اضافہ ہوا۔ مئی 2024 میں 10949 گاڑیوں کے مقابلے جون 2024 میں 13284 گاڑیاں فروخت ہوئیں۔
تاہم، سالانہ سیلز میں 120 فیصد کا زبردست اضافہ دیکھنے کو ملا۔ اس مثبت رجحان کی وجہ امریکی ڈالر کے مقابلے پاکستانی روپے کے استحکام کو قرار دیا جا سکتا ہے۔ کار مینوفیکچررز گزشہ ماہ 13284 کاریں فروخت کرنے میں کامیاب رہے جبکہ پچھلے سال کی اسی مدت کے دوران صرف 6033 گاڑیاں فروخت ہوئی تھیں۔
بائکس اور رکشوں کی سیلز
اسی طرح موٹر بائیک اور تھری وہیلر کی فروخت میں گزشتہ ماہ 24 فیصد کمی واقع ہوئی۔ یعنی اپریل 2024 میں 118811 یونٹس کے مقابلے 89895 یونٹس فروخت ہوئے۔ اٹلس ہنڈا کی سیلز میں 22 فیصد کمی آئی۔ مئی میں 103297 یونٹس کے مقابلے میں گزشتہ ماہ 80204 فروخت ہوئے۔
دریں اثنا، پاک سوزوکی نے مئی 2024 میں 1696 یونٹس کے مقابلے میں گزشتہ ماہ 1570 یونٹس فروخت کرتے ہوئے 7 فیصد کی کمی کا مشاہدہ کیا۔
ٹرک اور بسیں
ٹرکوں اور بسوں کی فروخت میں گزشتہ ماہ متاثر کن 21 فیصد اضافہ دیکھا گیا، مئی 2024 میں 247 کے مقابلے گزشتہ ماہ 299 یونٹس فروخت ہوئے۔
کمپنی وائز سیلز بریک ڈاؤن
ٹویوٹا پاکستان کی فروخت میں نمایاں طور پر 44 فیصد اضافہ ہوا، یعنی کہ مئی 2024 میں 2047 گاڑیوں کے مقابلے میں گزشتہ ماہ 2957 یونٹس فروخت ہوئے۔
تاہم ہنڈا اٹلس کی سیلز ایک مختلف کہانی بیان کرتی ہے، کمپنی کی سیلز میں 8 فیصد کمی واقع ہوئی۔ مئی 2024 میں 1187 یونٹس کے مقابلے میں گزشتہ ماہ 1,097 یونٹس فروخت ہوئے۔
اسی طرح پاک سوزوکی موٹرز کمپنی کی فروخت میں 15 فیصد اضافہ ہوا، جون 2024 میں 6885 گاڑیاں فروخت ہوئیں جبکہ مئی 24 میں یہ تعداد 6010 تھی۔
دریں اثنا، ہیونڈائی نشاط کی فروخت میں 55 فیصف کا نمایاں اضافہ دیکھا گیا، جو کہ مئی 2024 میں 683 یونٹس کے مقابلے میں گزشتہ ماہ 1059 یونٹس فروخت ہوئے۔
خیال رہے کہ ماسٹر چنگان موٹرز، ریگل موٹرز، کِیا لکی موٹرز، الحاج پروٹون، ایم جی موٹرز پاما کے ممبرز نہیں ہیں۔ لہذا، ان کے سیلز نمبر اس رپورٹ میں شامل نہیں ہیں۔
کار وائز سیلز بریک ڈاؤن
پاکستان سوزوکی موٹر کمپنی نے آلٹو کے 4352 یونٹس، سوزوکی کلٹس کے 526 یونٹس، سوزوکی ویگن آر کے 372 یونٹس، سوزوکی سوئفٹ کے 939 یونٹس، سوزوکی بولان کے 356 یونٹس، اور سوزوکی راوی کے 340 یونٹس فروخت کیے
ٹویوٹا انڈس نے کرولا، یارِس اور کرولا کے 2,293 یونٹس اور فارچیونر اور ہلکس کے 664 یونٹس فروخت کیے۔
ہنڈا اٹلس نے سٹی اور سوک کے 982 یونٹس اور BR-V کے 113 یونٹس فروخت کیے۔
ہیونڈائی نشاط نے ایلانٹرا کے 196 یونٹس، سوناٹا کے 112 یونٹس، پورٹر کے 256 یونٹس، اور ٹکسن کے 495 یونٹس فروخت کیے ہیں۔
مندرجہ بالا تمام سیلز کا MoM موازنہ یہ ہے:
| Car Model | May’24 | June’24 | Difference |
| Suzuki Alto | 4,062 | 4,352 | 7% |
| Suzuki Cultus | 229 | 526 | 130% |
| Suzuki Wagon R | 253 | 372 | 47% |
| Suzuki Bolan | 447 | 356 | -20% |
| Suzuki Ravi | 305 | 340 | 11% |
| Suzuki Swift | 714 | 939 | 32% |
| Toyota Corolla & Yaris | 1,562 | 2,293 | 47% |
| Toyota Fortuner & Hilux | 485 | 664 | 37% |
| Honda City & Civic | 1,049 | 982 | -6% |
| Honda BRV & HRV | 138 | 113 | -18% |
| Hyundai Tucson | 298 | 495 | 66% |
| Hyundai Sonata | 63 | 112 | 78% |
| Hyundai Elantra | 108 | 196 | 81% |
| Hyundai Porter | 214 | 256 | 20% |
