پاکستان کی پہلی یورپین کار پیجو 2008 نے 28 جنوری کو اپنا ڈیبیو کیا۔ پیجو 3008 اور 5008 کی ٹیسٹنگ اور ٹرائلز کیے جا رہے تھے لیکن کمپنی نے پیجو 2008 کے الیکٹرک ویرینٹ کو لانچ کرنے کے منصوبوں میں تبدیلی کا انکشاف کیا ہے۔
گزشتہ ہفتے پیجو کے مقامی پارٹنر لکی موٹر کارپوریشن (LMC) نے پاکستان میں پہلی یورپی کار کی مقامی طور پر تیاری کا جشن منانے اور اگلے ماڈل کو سامنے لانے کے لیے ایک افتتاحی تقریب کا انعقاد کیا۔
پیجو 2008
لکی موٹر کارپوریشن نے افتتاحی تقریب میں LMCنے پیجو 2008 کے متعدد ڈسپلے یونٹس کی نمائش کے ساتھ ساتھ نئی لانچ ہونے والی کار کی ٹیسٹ ڈرائیو بھی کا موقع بھی فراہم کیا۔ گاڑی کے دو ویرینٹس لانچ کیے گئے۔ جن میں پیجو 2008 ایکٹیو اور پیجو 2008 ایلور شامل ہیں۔ ان کی قیمت 50 لاکھ کے لگ بھگ رکھی گئی۔
نئی لانچ کردہ پیجو 2008 کا ٹیسٹ ڈرائیو ریوئیو ذیل میں دیا گیا ہے۔
پیجو ای 2008
پیجو 2008 کے کامیاب ڈیبیو کے بعد کمپنی اب الیکٹرک گاڑیوں کے شعبے میں داخل ہونے کی منصوبہ بندی کر رہی ہے۔ اس کے بارے میں سی ای او لکی موٹر کارپوریشن، آصف رضوی کا کہنا تھا کہ پیجو ای 2008 متعارف کرایا جانے والا اگلا ماڈل ہو گا، جو صارفین کو سو فیصد الیکٹرک اور تھرمک ورژن کے درمیان انتخاب کرنے کی آزادی دے گا۔
کیا گاڑیوں کی مقامی سطح پر تیاری کے بعد لکی موٹرکارپوریشن نے اب پاکستان میں پہلا فرانسیسی کار برانڈ متعارف کرایا ہے۔ Peugeot کے پاس 6 مختلف شہروں میں 8 3S ڈیلرشپس ہیں۔ پیجو کاریں فی الحال اسی فیکٹری میں تیار ہو رہی ہیں۔ خیال رہے کہ مستقبل میں مزید ماڈلز سامنے آئیں گے، جن کیلئے کاروں کے لیے ایک مخصوص اسمبلی پلانٹ تیار کیا جائے گا۔
پیجو 2008 اس کا مقابلہ کِیا سٹونک اور MG ZS کے ساتھ کیا جا سکتا ہے۔ اس کے علاوہ نئی آنے والی پیجو ای 2008 اس کیٹیگری میں ایک بہترین اضافہ ہو گا جہاں صرف MG ZS EV دیکھنے کو ملتی ہے۔
آپ نئے متعارف ہونے والی پیجو ای 2008 کے بارے میں کیا سوچتے ہیں؟ کیا آپ پیجو کی پریمیم کراس اوور پیجو ای 2008 کا الیکٹرک ویرینٹ پسند کریں گے؟ اپنے خیالات کا اظہار کریں۔
