پاکستان کے آٹو موٹیو سیکٹر نے حالیہ برسوں میں اہم چیلنجز کا سامنا کیا ہے اور اب بھی جاری ہے لیکن اس دوران کچھ مثبت پیش رفت بھی ہوئی ہے۔
قیمتوں میں اضافہ، پیداوار میں کمی اور سیلز میں کمی جیسے مسائل نے مقامی کار اسمبلرز کو بہت زیادہ متاثر کیا ہے۔ تاہم، ان مسائل کے ساتھ اچھی یہ ہے کہ اس دوران نہ صرف آن کلچر سے چھٹکارا ملا بلکہ اب گاڑیوں کی قیمتوں میں کمی کے ساتھ ساتھ نئے انسٹالمنٹ پلان بھی سامنے آ رہے ہیں۔
پاکستان سوزوکی موٹر کمپنی (PSMC) کے بعد پیجو پاکستان بھی اُن مقامی کار ساز کمپنیوں میں شامل ہے جو یکے بعد دیگرے نہ صرف آفرز کا اعلان کر رہی ہیں بلکہ قیمتوں میں کمی بھی کی جا رہی ہے۔
پیجو 2008 پر دی گئی انسٹالمنٹ آفر
پیجو پاکستان نے پیجو 2008 کے دونوں ویرینٹس کے لیے 18 ماہ کا آسان اقساط کا منصوبہ متعارف کرایا ہے جس کے تحت پیجو 2008 کے مداح 50 فیصد ڈاؤن پیمنٹ کر کے یہ کار حاصل کر سکتے ہیں۔
ایکٹو ویریئنٹ کے لیے ماہانہ قسط 209723 روپے جبکہ ایلور ویرینٹ کے لیے 230556 روپے ہے۔ اسی طرح دونوں ویرینٹس کے لیے 50 فیصد ڈاون پیمنٹ بالترتیب 3775000 روپے اور 4150000 روپے ہے۔
اس مارچ کے شروع میں کمپنی نے اپنی کراس اوور ایس یو وی پیجو 2008 کی قیمت میں کمی کی تھی۔ کمپنی کی جانب سے ایک سوشل میڈیا پوسٹ کے مطابق گاڑی کے دو ویریئنٹس ایکٹیو اور ایلور کی قیمتوں میں 100000 روپے کی کمی کی گئی تھی۔
پیجو 2008 کی خصوصیات
پیجو 2008 میں دئیے گئے فیچرز اور دیگر خصوصیات یہ ہیں:
200 سی سی MPIٹربو انجن جو 130 ہارس پاور اور 230 نیوٹن میٹر ٹارک پیدا کرتا ہے
- فرنٹ وہیل ڈرائیو کے ساتھ 6 سپیڈ آٹو ٹرانسمیشن
- 7 انچ کی فلوٹنگ انفوٹینمنٹ ٹچ سکرین
- سمارٹ کی انٹری
- سنگل زون آٹو کلائمیٹ کنٹرول
- کروز کنٹرول
- فُل ایل ای ڈی ہیڈلائٹس اور ایل ای ڈی ڈی آر ایل
- 17 انچ الائے وہیل
- پینورامک سن روف
پیجو پاکستان کی اس نئی آفر کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
