کار اور موٹرسائیکل کی رجسٹریشن سروس اب آپ کی دہلیز پر
پنجاب ایکسائز ڈیپارٹمنٹ نے صارفین کیلئے سہولت بڑھانے اور اپنی کارکردگی کو بہتر کیلئے ایک اہم قدم اٹھایا ہے جس کے تحت اب موٹر سائیکلوں اور گاڑیوں کی رجسٹریشن اور منتقلی اب آپ کی دہلیز پر ہو گی۔
یہ اقدام ملک میں گاڑیوں کی ملکیت سے وابستہ مشکل طریقہ کار میں انقلاب کے طور جانا جائے گا۔
طریقہ کار
اس عمل کو سادہ اور عام لوگوں تک رسائی کے لیے ڈیزائن کیا گیا ہے۔ نئی رجسٹریشن یا ملکیت کی منتقلی کے خواہشمند شہری ملاقات کا وقت طے کرنے کے لیے پنجاب انفارمیشن ٹیکنالوجی بورڈ کی ہیلپ لائن 080008786 پر کال کر کے اس پراسیس کا آغاز کر سکتے ہیں۔
مقررہ وقت پر، محکمہ ایکسائز کا ایک اہلکار درخواست دہندگان کی دہلیز پر پہنچ کر ان کی کار یا موٹرسائیکل کی رجسٹریشن یا منتقلی میں سہولت فراہم کرے گا۔
موٹر وہیکل رجسٹریشن ٹرانسفر اور دیگر خدمات اب اپ کی دہلیز پر pic.twitter.com/5IJk4DA9R3
— Excise,Taxation & Narcotics Control Department (@ETNCDGOP) November 21, 2023
جو چیز اس سروس کو مزید بہتر کرتی ہے وہ سرکاری دفاتر کے چکروں کو کم کرنے کا عزم ہے۔ کسی افسر کے ساتھ بات چیت کرنے کے بجائے، درخواست دہندگان تمام ضروری کاغذی کارروائی آن لائن مکمل کر سکتے ہیں۔ نئی رجسٹریشن یا ٹرانسفر کی فیس آن لائن بینکنگ کے ذریعے آسانی سے ادا کی جا سکتی ہے۔
محکمہ ایکسائز کا اہلکار ضروری تفصیلات فراہم کرے گا، بشمول رجسٹریشن نمبر، اور پوائنٹ آف سیل (POS) ڈیوائس کے ذریعے آن لائن ادائیگی کے عمل کو آسان بنائے گا۔
لین دین کی تکمیل کے بعد، موٹر سائیکل یا گاڑی کا رجسٹریشن نمبر موقع پر جاری کر دیا جائے گا۔ محکمہ ایکسائز کا اہلکار مطلوبہ دستاویزات کی اسکریننگ کرے گا، اور تصدیق کے بعد دستاویزات کو پاکستان پوسٹ کے ذریعے درخواست گزار کے پتے پر بھیجے گا۔
یہ اختراعی طریقہ نہ صرف شہریوں کا قیمتی وقت بچاتا ہے بلکہ محکمہ ایکسائز کے آپریشنز کی مجموعی کارکردگی میں بھی نمایاں اضافہ کرتا ہے۔ ٹیکنالوجی کا فائدہ اٹھا کر اور عمل کو بہتر بنا کر، پنجاب ایکسائز سرکاری خدمات کو لوگوں کے قریب لا رہی ہے۔