آج ہم آپ کے لیے سوزوکی GSX R600 کے 2013 ماڈل کا ریویو لائے ہیں۔ یہ موٹر سائیکل 2016 امپورٹ اور 5ویں جنریشن کی ہے۔ سوزوکی نے 600cc موٹر سائیکلیں 1992 میں بنانا شروع کی تھیں، جبکہ یہ پانچویں جنریشن 2019 میں لانچ کی گئی تھی۔ کمپنی نے یہ موٹر سائیکل روڈ اور ٹریک دونوں کے لیے تیار کی ہے۔
انجن:
موٹر سائیکل 600cc کا اِن-لائن 4-سلنڈر انجن رکھتی ہے، جو 128hp اور 68Nm ٹارک پیدا کرتا ہے۔ اس کے علاوہ کمپنی دعویٰ کرتی ہے کہ یہ موٹر سائیکل 2.5 سیکنڈز میں 0 سے 60 تک پہنچ جاتی ہے۔
چوتھی جنریشن سے فرق:
فرنٹ اور ریئر چوتھی جنریشن سے کافی مختلف ہے۔ اس کے علاوہ یہ موٹر سائیکل اسٹینڈرڈ بریمبو بریک میں آتی ہے، جو نان-ABS ہیں۔
آفٹر مارکیٹ ایڈ-آنز:
سوزوکی GSX R600 ایک آفٹر مارکیٹ کریش کارڈ رکھتی ہے، جو کسی حادثے کی صورت میں موٹر سائیکل کو محفوظ رکھتا ہے۔ اس کے علاوہ اس میں SC-پروجیکٹ ایگزاسٹ اور ٹیل ٹائیڈی ہے۔ ٹیل ٹائیڈی لگانے کے لیے آپ کو موٹر سائیکل کی نمبر پلیٹ اور مڈگارڈ نکالنا پڑے گا۔
اسپیڈومیٹر فنکشنز:
بائیں جانب اس میں ایک RPM میٹر ہے جبکہ اس کے ساتھ گیئر انڈی کیٹر، ٹرمپ انفارمیشن میٹر، بائیک ٹمپریچر اور اسپیڈ انفارمیشن ہے۔ اس کے علاوہ ہینڈل بال کی دائیں جانب ایک کِل سوئچ، میٹر ایڈجسٹمنٹ اور اسٹارٹ اپ بٹنز ہیں۔ ہینڈل کی بائیں جانب ڈرائیو موڈ سوئچ، ڈِپر، ہیزرڈ سوئچ، انڈی کیٹر بٹن اور ہارن ہیں۔
موٹر سائیکل دو ڈرائیو موڈز رکھتی ہے؛ پہلا پاور ہے جو موٹر سائیکل کا مکمل آؤٹ پُٹ دیتا ہے جبکہ دوسرا موڈ 60 فیصد آؤٹ پُٹ پیدا کرتا ہے۔
مینٹی نینس کی لاگت:
اس موٹر سائیکل کا آئل چینج ہر 1200 کلومیٹرز کے بعد ہوتا ہے۔ تین لیٹر موبل آئل ہر آئل چینج پر استعمال ہوتا ہے جبکہ اس کا ایئر فلٹر ہر دو آئل چینج کے بعد تبدیل ہوتا ہے۔ موبل آئل اور ایئر فلٹر کی تبدیلی پر تقریباً 10,000 روپے لاگت آتی ہے، جبکہ اگر آپ ایئر فلٹر تبدیل کروائیں تو یہ لاگت 12 سے 13 ہزار روپے تک جا پہنچتی ہے۔
قیمت:
اچھی کنڈیشن میں اس موٹر سائیکل کی قیمت 18 سے 18.5 لاکھ روپے ہوگی۔
مقابل موٹر سائیکلوں پر برتری:
اس کی مارکیٹ مقابل یاماہا R6 ہے؛ لیکن R6 میں ہِیٹ کا مسئلہ ہے۔ اس کے علاوہ GSX لائٹ ویٹ ہے اور اس کی ہینڈلنگ بہت ہموار ہے۔
اگر آپ استعمال شدہ سوزوکی GSX R600 خریدنا چاہ رہے ہیں تو پاک ویلز کے استعمال شدہ موٹر سائیکلوں کے سیکشن میں جائیں اور اپنی پسند کی موٹر سائیکل کا انتخاب کریں۔
