آمدنی بڑھانے کے لیے وفاقی حکومت نے پیٹرولیم مصنوعات پر لیوی میں فی لیٹر 22 روپے تک کا اضافہ کردیا ہے، ایک مقامی میڈیا ادارے نے بتایا۔
تفصیلات کے مطابق وزارت خزانہ نے پیٹرول پر لیوی میں 4 روپے کا اضافہ کردیا ہے اور اب یہ 14 روپے فی لیٹر تک پہنچ گیا ہے؛ اس سے قبل یہ 10 روپے تھا۔ اسی طرح ڈیزل پر ٹیکس 8 روپے سے بڑھا کر 22 روپے فی لیٹر کردیا گیا۔ لیوی بڑھا کر حکومت فروری کے مہینے میں 32 ارب روپے کی اضافی آمدنی حاصل کرنے کے قابل بن جائے گی۔
بتایا گیا ہے کہ حکومت نے آمدنی کے خسارے کو ختم کرنے کے لیے لیوی کی شرح میں اضافہ کیا ہے۔ پیٹرول اور ڈیزل کے علاوہ مٹی کے تیل پر لیوی پر بھی 7 روپے فی لیٹر کا اضافہ کیا گیا ہے۔
مزید برآں، ریٹیل آؤٹ لیٹس کے ذریعے ایندھن بیچنے پر لیوی بڑھا کر 17.47 روپے کردی گئی ہے جبکہ دوسری جانب ڈیزل کی اس طرح فروخت پر اسے 24.93 روپے تک پہنچا دیا گیا ہے۔
حال ہی میں حکومت نے پیٹرولیم مصنوعات کی قیمت میں 0.73 روپے فی لیٹر تک کی کمی کی ہے۔
نئی قیمتیں کچھ یوں ہیں:
پیٹرول: 90.97 روپے فی لیٹر
ہائی-اسپیڈ ڈیزل: 106.68 روپے فی لیٹر
مٹی کا تیل: 82.98 روپے فی لیٹر
لائٹ-اسپیڈ ڈیزل: 75.28 روپے فی لیٹر
آٹوموٹو انڈسٹری کی ایسی ہی دیگر خبروں کے لیے پاک ویلز کے ساتھ رہیے۔ اپنے تبصرے نیچے پیش کیجیے۔
