پی ایس ایل 7 پورے جوش و خروش سے جاری ہے جس کی وجہ سے شائقین کی کرکٹ میں دلچسپی مزید بڑھ گئی ہے۔ اس کے علاوہ شائقین اپنے پسندیدہ یا مشہور پاکستانی کرکٹرز کے پاس موجود مہنگی ترین گاڑیوں کے بارے جاننے میں بھی کافی دلچسپی رکھتے ہیں۔
بابر اعظم کی Audi 5
پاکستانی کرکٹ ٹیم کے کپتان اور مایہ ناز کھلاڑی بابر اعظم کے پاس Audi 5 ہے جس کی قیمت 1.4 کروڑ ہے اور لگتا ہے کہ یہ ان کی پسندیدہ کار ہے۔ اس سے قبل بابر اعظم اپنے ایک انٹرویو میں کہہ چکے ہیں کہ Audi ان کی ڈریم کار ہے۔
شاداب خان کی ہنڈا سوِک
شاداب خان کے پاس پاکستانیوں کی سب سے پسندیدہ کار ہنڈا سوِک ری برتھ ہے اور وہ اسے اپنی پسندیدہ کار قرار دیتے ہیں۔ گاڑی کی قیمت 23 سے 30 لاکھ ہے۔
حسن علی کی کیا سپورٹیج
پاکستانی بالر حسن علی جن کو “جنریٹر” بھی کہا جاتا ہے، کے پاس پاکستانیوں کی پسندیدہ کراس اوور ایس یو وی کِیا سپورٹیج ہے لیکن ہم نہیں جانتے آیا کہ یہ AWD ہے یا FWD ۔ جس سے ظاہر ہوتا کہ وہ ایس یو ویز کے مداح ہیں۔ بہرحال، سپورٹیج AWD کی موجودہ قیمت 5,788,000 روپے ہے جبکہ FWD کی لاگت 5,276,000 روپے ہے۔
شعیب ملک کی ٹویوٹا سُپرا
مشہور پاکستانی کرکٹر شعیب ملک کے پاس ٹویوٹا سُپرا ہے۔ رپورٹس کے مطابق شعیب ملک نے یہ کار 90 لاکھ روپے میں خریدی تھی۔ اس کے علاوہ اس بات کو بھی بہت مشہور کیا گیا تھا کہ گاڑی کو ایک حادثہ پیش آیا ہے۔ لیکن بعدازاں رپورٹس میں کہا گیا ہے کہ اب کار کی مرمت کروا لی گئی ہے جو کہ ایک اچھی بات ہے۔
شاہین آفریدی کی مہنگی ترین گاڑیاں
کرکٹر آف دی ایئر 2021 شاہین شاہ آفریدی کے پاس ٹویوٹا فارچیونر ہے۔ اس کے علاوہ ان کے انسٹاگرام کے مطابق وہ ہائبرڈ Audi A8 کے بھی مالک ہیں۔ فارچیونر کی موجودہ قیمت 8,569,000 روپے سے لے 10,842,000 روپے تک ہے۔ دریں اثنا، Audi A8 کی قیمت تقریباً 7-8 کروڑ روپے ہے۔
آصف علی کی ہںڈا سوِک ایکس
جارہانہ بلے بازی کرنے والے آصف علی ہنڈا سوِک اوریل کے مالک ہیں۔ اسلام آباد یونائیٹڈ کے کھلاڑی آصف علی نے گزشتہ T20 کرکٹ ورلڈ کپ میں نیوزی لینڈ اور افغانستان کے خلاف اہم چھکے لگانے کے بعد بہت مقبولیت حاصل کی۔ سوک اوریل کی موجودہ قیمت 4,259,000 روپے ہے۔
محمد رضوان کی ہنڈا سوِک
پاکستان کرکٹ ٹیم کے مایہ ناز بلے باز محمد رضوان کے پاس سوِک ٹربو RS ہے جو کہ ٹاپ آف دی لائن ویرینٹ ہے۔ گاڑی کی قیمت 5049000 روپے ہے۔
Picture Credits: RP Productions
محمد حفیظ کی لینڈ کروزر
پاکستانی کرکٹ ٹیم کے پروفیسر محمد حفیظ کے پاس V8 لینڈ کروزر ہے۔ انٹرنیشنل کرکٹ سے ریٹائرمنٹ کا اعلان کرنے کیلئے وہ اپنی لینڈ کروزر میں آئے۔ لینڈ کروزر کی موجودہ قیمت 52,650,000 روپے ہے۔
Picture Credit: Paktv.tvAnd with this, we are wrapping this blog. Tell us, if you want to know about other Pakistani cricketers and what cars they own.
