ہونڈا نے حال ہی میں سوِک سیڈان کے لیے ایک فیس لفٹ متعارف کروایا تھا اور اب وقت ہے کہ ہیچ بیک سوِک کو بھی کچھ نیا ملے تاکہ وہ اپنے حریفوں کے مقابلے میں ذرا تازہ دم رہے۔ ہونڈا کی توجہ ایکسٹیریئر اور انٹیریئر کو بہتر بنانے پر رکھتے ہوئے اپنے اسپورٹ اور اسپورٹ ٹؤرنگ ٹرِمز کو اپڈیٹ کرنے کی بھرپور کوششیں کیں۔ چند تبدیلیاں سوِک سیڈان اور ہیچ بیک دونوں میں کی گئیں۔
2020ء سوِک ہیچ بیک اپنے نئے اسٹائل اور 6-اسپیڈ مینوئل ٹرانسمیشن کے ساتھ اِس ہفتے فروخت کے لیے پیش کی جا رہی ہے۔ سب سے نمایاں تبدیلی اسپورٹ ٹؤرنگ ٹرِم کے لیے CVT اور 6-اسپیڈ مینوئل ٹرانسمیشن دونوں کی دستیابی ہے۔ اس سے پہلے 6-اسپیڈ مینوئل صرف اسپورٹ ٹرِم میں CVT کے ساتھ دستیاب تھا۔
تمام 2020ء سوِک ہیچ بیکس کو ایکسٹیریئر کی بہتر اسٹائلنگ بھی ملی ہے۔ ہونڈا نے فوگ لائٹ کے حصے کو تبدیل کیا ہے جو اب باڈی کے رنگ کے ہی کراس بارز رکھتا ہے اور ساتھ ساتھ پچھلے حصے میں نچلی بمپر اوپننگ بھی۔ ہیڈلائٹس نئی بلیک آؤٹ صورت کے ساتھ متعارف کروائی گئی ہیں۔ اسپورٹ ٹؤرنگ ماڈل میں LED ہیڈ لائٹس کو زیادہ چوڑے اور لمبے بیمز کے ساتھ بہتر بنایا گیا ہے۔ تمام ہیچ بیک ماڈلز کو اپ ڈیٹڈ الائے رِمز ملے ہیں یا تو گہرے سرمئی رنگ کے یا سیاہ رنگ کے۔
انٹیریئر میں ہونڈا نے ہر ٹرِم لیول کو مختلف ڈیش بورڈ ٹرِمز کے ساتھ جداگانہ حیثیت دی ہے۔ اسپورٹ ٹؤرنگ اور EX-L ٹرِمز کو صاف سیاہ شکل دی گئی ہے جبکہ LX اور EX کو نئے پینٹ شدہ نقوش۔ EX ٹرِم آٹھ سمتی پاور ڈرائیور سیٹ کے ساتھ متعارف کروائی گئی ہے جس میں اسٹیئرنگ وِیل اور شفٹ نوب پر چمڑا لگ ہوا ہے۔ ساؤنڈ انسولیشن بھی تمام ماڈلز میں بہتر کی گئی ہے۔ اسپورٹ ٹرِم کو 7-انچ کی اسکرین سے لیس کیا گیا ہے۔
LX، EX اور EX-L ٹرِمز کی فیول اکانمی کی بات کریں تو یہ شہر کے اندر 13 کلومیٹر فی لیٹر اور ہائی وے پر 17 کلومیٹر فی لیٹر دیتی ہیں، یعنی مجموعی طور پر 14 کلومیٹر فی لیٹر۔ اسپورٹ اور اسپورٹ ٹؤرنگ ماڈلز 12 کلومیٹر فی لیٹر شہر کے اندر اور 15 کلومیٹر ہائی وے پر دیتے ہیں، یعنی مجموعی طور پر مینوئل کے ساتھ 14 کلومیٹر فی لیٹر کا اوسط۔ CVT شہر میں 12 اور ہائی وے پر 15 کلومیٹر فی لیٹر دیتی ہے، یعنی مجموعی اوسط اس کا بھی 14 کلومیٹر فی لیٹر ہے۔ یہ ہیچ بیکس 1.5L ٹربو-فور انجن سے لیس ہیں۔ اسٹینڈرڈ آؤٹ پٹ 174hp ہے جبکہ اسپورٹ اور اسپورٹ ٹؤرنگ ماڈلز 180hp تک جاتے ہیں۔
اپنے خیالات نیچے تبصروں میں پیش کیجیے۔ مزید خبروں کےلیے پاک ویلز پر آتے رہیے۔
