ڈپٹی کمشنر اسلام آباد کے ایک ٹوئٹ کے مطابق اسلام آباد کے شہریوں کو سہولت فراہم کرتے ہوئے اتھارٹیز نے گاڑی کے اسمارٹ گاڑی کا ڈلیوری اسٹیٹس گھر بیٹھے ٹریک کرنے کی سہولت متعارف کروا دی ہے۔
حکومت نے حال ہی میں گاڑیوں کی پرانی روایتی رجسٹریشن بُکس کے بجائے اسمارٹ کارڈز متعارف کروائے ہیں۔ البتہ اسلام آباد کے شہریوں کے لیے نئی گاڑیوں کی رجسٹریشن کے اسمارٹ کارڈ کی خاطر لمبی قطارو ں میں انتظار ایک پریشانی تھی۔ ایک مرتبہ درخواست دینے کے بعد انہیں اسمارٹ کارڈ کے بارے میں جاننے کے لیے بار بار ایکسائز اینڈ ٹیکسیشن دفتر کے چکر لگانا پڑے۔ اس ضمن میں ڈپٹی کمشنر اسلام آباد نے وفاقی دارالحکومت کے باسیوں کو اطلاع دینے کے لیے ٹوئٹ کیا کہ اتھارٹیز اسمارٹ کار ڈڈلیوری اسٹیٹس جاننے کے لیے بذریعہ SMS ٹریکنگ متعارف کرواتے ہوئے اس عمل کو آسان بنا چکی ہیں۔
اس سسٹم میں ایک شخص کو گاڑی کی رجسٹریشن یا ٹرانسفر کے لیے فارم پر محض اپنا موبائل فون نمبر درج کرنا ہوگا۔ ایکسائز اینڈ ٹیکسیشن (E&T) اسلام آباد آپ کے رجسٹرڈ موبائل نمبر پر اسمارٹ کارڈ کا ڈلیوری اسٹیٹس خود بھیجے گی۔ آپ کو محض گھر بیٹھ کر اسمارٹ کارڈ کے اجراء کے تصدیقی میسیج کا انتظار کرنا ہوگا۔ اس کا نتیجہ نہ صرف عوام کے لیے سہولت بلکہ ساتھ ہی محض سوالات پوچھنے کے لیے آنے والے افراد کے ایکسائز آفس پر رش میں کمی کی صورت میں نکلے گا۔ میسیج کچھ یوں ہوگا:
“ Dear vehicle owner:
The smart card of your vehicle (XYZ-123) is ready for delivery. It can be collected from the Excise Office, Islamabad during office hours.”
یاد رہے کہ اسلام آباد میں رجسٹرڈ گاڑیوں کی رجسٹریشن بک تبدیل کرکے اسمارٹ کارڈ حاصل کرنے کے لیے شرائط اور درکار دستاویزات کچھ یوں ہیں:
گاڑی لازماً اسلام آباد میں رجسٹرڈ ہو
گاڑی لازماً درخواست کے نام پر رجسٹرڈ ہو
درخواست گزار اصل رجسٹریشن بک اور CNIC کی نقل کے ساتھ درخواست جمع کرائے
اسمارٹ کارڈ کی فیس 1500 روپے ہے
گاڑی کے شناختی کارڈ کے سامنے والے حصے پر مالک کی ذاتی معلومات اور منتقلی کی تاریخ کا حامل ہے۔ اسمارٹ کارڈ کے پیچھے رجسٹرڈ گاڑی کے بارے میں معلومات جیسا کہ ماڈل، انجن گنجائش، چیسس نمبر، انجن نمبر وغیرہ درج ہیں۔
ہماری طرف سے اتنا ہی۔ گاڑیوں کی دنیا سے مزید خبروں کے لیے پاک ویلز پر آتے رہیے۔ اپنے خیالات نیچے تبصروں میں پیش کیجیے۔
