کِیا (KIA) کی کاریں کچھ عرصے سے خبروں میں موجود ہيں اور ایک مرتبہ پھر پاکستان کی سڑکوں پر دیکھی گئی ہیں۔ یہ گاڑیاں جامشورو کے قریب حیدرآباد-کراچی ہائی وے پر نظر آئیں۔ یہ پہلا موقع نہیں ہے کہ سڑکوں پر تجرباتی سفر کرتی کِیا کی کاریں دیکھی گئی ہیں۔
پاکستان میں کِیا موٹرز نے اپنا مینوفیکچرنگ پلانٹ کراچی بنایا ہے اور اس کے لیے وہ لکی سیمنٹ کمپنی کے ساتھ شراکت داری کرچکا ہے، اور پسنجر کے ساتھ ساتھ کمرشل گاڑیاں بنانے کے لیے بھی معاہدے پر دستخط کر چکا ہے۔
اس مرتبہ نظر آنے والی گاڑیاں کِیا اسپورٹیج، کارنیول اور ایک لوڈر ہیں جو K2700 لگتا ہے جیسا کہ کمپنی کی ویب سائٹ پر درج ہے۔ یہ پہلا موقع ہے کہ سڑکوں پر ادارے کا کوئی لوڈر دیکھا گیا ہے اور ایسا لگتا ہے کہ دوسری گاڑیوں کے ساتھ کمپنی مارکیٹ میں زیادہ حصہ پانے کے لیے ایک بالکل نیا لوڈر بھی جاری کرنے کے لیے تیار ہے۔
ان گاڑیوں کی چند تصاویر یہ ہیں:
کِیا کی پاکستانی آفیشل ویب سائٹ کے مطابق لوڈر کی تکنیکی تفصیلات یہ ہیں:
- یہ گاڑی 2.7 انجن سے لیس ہے جس کے ساتھ 5-اسپیڈ مینوئل ٹرانسمیشن ہے جو 4000 rpm پر 80 ps اور 2400 rpm پر 165 Nm ٹارک پیدا کرتی ہے۔
- R2700 کی پیمائش: (لمبائی x چوڑائی x اونچائی) 5،125 x 1،740 x 1،970۔ اور اس کا ویل بیس 2،615 ہے۔
واضح رہے کہ مندرجہ بالا تفاصیل کمپنی کی ویب سائٹ پر درج ہیں؛ البتہ یہ ممکن ہے کہ جب ادارہ مارکیٹ میں لوڈر جاری کرے تو اس کی خصوصیات ویب سائٹ پر اندراج سے مختلف ہوں۔
تازہ ترین خبروں کے لیے آتے رہیے۔
