پاک سوزوکی کی جانب سے نئی لگژی سیڈان سوزوکی کیزاشی کی تقریبِ رونمائی 11 فروری 2015 کو پرل کونٹی نیینٹل ہوٹل، لاہور میں منعقد کی گئی۔ اپنے وعدہ کے مطابق پاک ویلز نے اپنے قارئین کے لئے اس ایونٹ کی مکمل کوریج کی۔
یہ گاڑی بہت سی خصوصیات سے لیس ہے جو عام طور پر کسی بھی لگژری سیڈان کا خاصہ ہوتی ہیں۔ ان میں بغیر چابی کے اسٹارٹ اور دروازے کھولنا، اسٹیئرنگ کنٹرول، پچھلی جانب دیکھنے کے لیے خود کار آئینے، برسات محسوس کرنے والے وائپر، پارکنگ سینسر، مسافر اور ڈرائیور دونوں کے لیئے ڈیول AC کی سہولت اور بہت کچھ شامل ہے۔ گاڑی کو 2400 سی سی انجن، CVT ٹرانسمیشن اور پیڈل شفٹرز کی حامل ہے۔ اس کے علاوہ 6 اسپیڈ دستی (Manual) ٹرانمیشن بھی حاصل کرسکتے ہیں۔
سوزوکی کیزاشی کی قیمت 50 لاکھ روپے ہے۔ جی ہاں آپ نے صحیح پڑھا، نصف کروڑ روپے!
اس سے پہلے کہ آپ اس کی اتنی زیادہ قیمت ہونے کی وجہ پوچھیں یا پھر مستقبل میں اس کی کامیابی اور ناکامی سے متعلق سوال کریں تو میں آپ کو یہ بتانا چاہوں گا کہ پہلے پہل میرا ردعمل بھی کچھ ایسا ہی تھا۔ اور جب میں نے تقریب میں موجود سوزوکی کے نمائندے سے کچھ ایسا ہی سوال پوچھا تو اس کا جواب تھا کہ یہ ہماری پرتعیش گاڑیاں پیش کرنا ہماری منصوبہ بندی کا حصہ ہے۔ وہ بھی یہ بات جانتے ہیں کہ یہاں کی مارکیٹ میں ان جیسی کاروں کے لیئے زیادہ جگہ نہیں، مگر اس سے پاک سوزوکی کے عام تاثر میں ضرور تبدیلی آئے گی۔ جب بھی ہم “سوزوکی” کا نام سنتے ہیں، ہمارے ذہن میں فوری طور پر مہران، کلٹس، بولان وغیرہ کا نام آتا ہے۔ سوزوکی کیزاشی اسی تاثر کو ختم کرے گی اور اس سے لوگوں کو پتہ چلے گا کہ جاپانی کار ساز ادارے کے پاس ہلکی اور سستی گاڑیوں کے علاوہ بھی بہت کچھ ہے۔
اگر آپ پاک ویلز بلاگ باقاعدگی سے پڑھتے ہیں تو سوزوکی کیزاشی سے متعلق کافی کچھ جانتے ہی ہوں گے۔ اگر نہیں جانتے تو آپ سوزوکی کیزاشی سے متعلق مفصل مضمون ملاحطہ کرسکتے ہیں۔
آخر میں یہ کہتا چلوں کہ میں نے اب تک جتنی بھی سوزوکی دیکھی ہیں، ان میں سب سے بہترین اندرونی حصہ اسی سوزوکی کیزاشی ہے۔ یقین نہ آئے تو آپ بھی تصویری جھلکیوں میں دیکھ لیں۔
