IMC ٹویوٹا کے فوراً بعد گزشتہ روز ہونڈا پاکستان نے بھی سال میں دوسری مرتبہ اپنی گاڑیوں کی قیمت میں اضافہ کیا۔ پاک ویلز نے پہلے ہی بتا دیا تھا کہ پاک سوزوکی اور الحاج فا کی نظریں بھی اپنی گاڑیوں کی قیمتوں میں اضافے پر مرکوز ہیں۔ اور اب مؤخر الذکر نے اپنی گاڑیوں کی قیمتوں میں 35 ہزار روپے تک کا اضافہ کردیا ہے۔ واضح رہے کہ فا نے رواں سال کے اوائل میں بھی اپنی گاڑیوں کی قیمتیں بڑھائی تھیں، اور یہ سال میں دوسرا موقع ہے کہ کمپنی نے نرخوں میں اضافہ کیا ہے۔
گاڑیوں کی قیمتوں میں اضافے کے لیے مقامی آٹو موبائل ادارے جو وجہ تراش رہے ہیں وہ ہے ڈالر کے مقابلے میں روپے کی قدر میں بارہا کمی اور اس خام مال پر ٹیکس کی بڑھتی ہوئی شرح، جو وہ اپنی گاڑیوں کو بنانے کے لیے بیرون ملک سے درآمد کرتے ہیں، تو ان کے لیے یہ ممکن نہیں کہ موجودہ قیمتوں پر گاڑیاں پیش کر سکیں۔
فا کی گاڑیوں کی قیمتوں کی تازہ ترین فہرست ذیل میں ہے:
فا کیریئر | |||
نئی قیمت | پرانی قیمت | تبدیلی | |
اسٹینڈرڈ | 819,000 روپے | 799,000 روپے | 20,000 روپے |
فلیٹ بیڈ | 809,000 روپے | 789,000 روپے | 20,000 روپے |
ڈیک لیس | 799,000 روپے | 779,000 روپے | 20,000 روپے |
اے سی کے اضافی اخراجات | 41,000 روپے | ||
فا V2 | |||
مینوئل ٹرانس میشن | 1,154,000 روپے | 1,119,000 روپے | 35,000 روپے |
فا X-PV | |||
اسٹینڈرڈ | 919,000 روپے | 899,000 روپے | 20,000 روپے |
ڈوئل AC | 969,000 روپے | 949,000 روپے | 20,000 روپے |
پچھلی سیٹ کے بغیر | 949,000 روپے | N/A |
مندرجہ بالال تمام قیمتیں ایکس-فیکٹری ہیں۔ مزید برآں ادارے نے جو سرکولیشن جاری کیا ہے وہ یہ بتاتا ہے:
تمام فا گاڑیوں کی قیمتیں بغیر نوٹس کے اور ڈلیوری کے وقت موجودہ قیمتوں سے تبدیل ہو سکتی ہیں اگر موجودہ ڈیوٹی/ٹیکس میں اضافہ ہوتا ہے یا حکومت کی جانب سے نئی ڈیوٹی/ٹیکس لگائے جاتے ہیں یہ اضافہ گاڑیوں کی فراہمی سے پہلے صارف ادا کرے گا۔
ہماری طرف سے اتنا ہی۔ گاڑیاں بنانے والے مقامی اداروں کی جانب سے حالیہ اضافوں کے بارے میں ذیل میں اپنی رائے ضرور دیجیے۔