اب سفر کریں آرام کے ساتھ – آ گئی ہے نئی وائی بی 125 زیڈ

یاماہا نے 125 سی سی کی نئی موٹر سائیکل سیریز متعارف کروا کر پاکستان کی آٹوموٹو انڈسٹری کو بدل کر رکھ دیا۔ کمپنی نے گلوبل گیئر شفٹ پیٹرن جیسے خصوصی فیچرز کے ساتھ YBR اور YBZ موٹر سائیکلیں متعارف کروائیں۔ 

گلوبلی اسٹینڈرڈ فیچر مارکیٹ میں ذرا نئی چیز ہے اور گو کہ اس فرق کو سمجھنے والے صارفین کی بڑی تعداد نے اس فیچر کو قبول کر لیا اور اس سہولت کا فائدہ اٹھایا، لیکن روایت پسند صارفین گیئر پیٹرن میں اس تبدیلی کے لیے تیار نہیں تھے۔ 

یاماہا موٹر پاکستان ایسی موٹر سائیکل پیش کر رہا ہے جو پاکستانی صارفین کے لیے زیادہ موزوں ہے۔ یاماہا پاکستان صارفین کی آسانی اور سہولت کے لیے گلوبل شفٹ پیٹرن کے بجائے اب “آل ڈاؤن شفٹ گیئر” پیٹرن میں YB125Z کے نئے ماڈل پیش کر رہا ہے۔ 

پاکستانی موٹر سائیکل صارفین اس شفٹ پیٹرن سے زیادہ مانوس ہیں۔ البتہ یاماہا پاکستانی صارفین کے لیے ہموار ترین گیئر شفٹ کے ساتھ مقامی انڈسٹری میں بدستور نمایاں ہے۔ 

نئی YB125Z نئے فیچرز سے لیس ہے جو سہولت اور سکون فراہم کرتے ہیں۔ 

سفر کے ہموار تجربے کے لیے زبردست ہینڈلنگ: 

1۔ آل ڈاؤن شفٹ گیئر پیٹرن – گیئر کی ہموار تبدیلی 

2۔ زبردست توازن رکھنے والا فریم

3۔ بریک سسٹم عمدہ فرنٹ-ریئر توازن کے ساتھ 

بہترین کارکردگی اور کم خرچ: 

1۔ کم خراب ہونے والا SOHC انجن

2۔ ایندھن بچت کے ساتھ سفر کے لیے ڈیزائن شدہ کاربوریٹر

زبردست آرام: 

1۔ کم تھرتھراہٹ 

2۔ آرام دہ سفر 

3۔ آپ اور آپ کے ساتھ سفر کرنے والے ساتھی کے لیے چوڑی اور لمبی سیٹ 

YB125Z واقعی اِس نعرے کو ظاہر کرتی ہے: Shift to a Smoother Ride۔ آپ یہ موٹر سائیکل 1,36,500 روپے میں خرید سکتے ہیں۔ 

ہماری طرف سے اتنا ہی، اپنے خیالات نیچے تبصروں میں پیش کیجیے۔