سازگار انجینئرنگ ورکس لمیٹڈ پاکستان کی آٹوموبائل انڈسٹری میں ایک بڑا نام ہے۔ سازگار نے آج ایک تقریب کے دوران مقامی طور پر تیار کر دہ “الیکٹرک رکشے” کی رُونمائی کی ہے، جس میں حکومت کے اعلیٰ عہدیداران اور سماجی و کاروباری شخصیات نے شرکت کی۔
سازگار کے اِس منصوبے کو نہ صرف حکومتی عہدیداروں نے سراہا بلکہ مختلف شعبہ ہائے زندگی سے تعلق رکھنے والی شخصیات نے بھی اس پر اپنے اطمینان کا اظہار کیا ہے۔ یہ منصوبہ آٹوموبائل انڈسٹری میں روزگار کے مواقع پیدا کرے گا اور ساتھ ہی متعلقہ صنعت میں ترقی لائے گا۔ الیکٹرک تھری-ویلرز کی مقامی سطح پر پیداوار سے غیر ملکی زرِ مبادلہ میں بھی بڑی بچت ہوگی کہ جو وقت کی ضرورت ہے۔ یہ ماحولیاتی آلودگی کو گھٹانے اور تیل کی درآمد پر آنے والی لاگت میں کمی کرنے میں بھی اپنا حصہ ڈالے گا۔
الیکٹرک رکشے کی تمام تصاویر دیکھنے کے لیے سلائیڈ کیجیے:
یہ گاڑی مقامی طور پر بنائی جائے گی اور اس میں الیکٹرک کِٹ کے سوا باقی تمام پارٹس مقامی وینڈنگ انڈسٹری کے ہوں گے۔ اس سے آٹو پارٹس انڈسٹری کو ترقی دینے میں مدد ملے گی اور بدلے میں یہ صنعت ٹیکس کی صورت میں قومی خزانے میں اضافہ کرے گی اور روزگار کے مواقع بھی پیدا ہوں گے۔
اس کے علاوہ اِن الیکٹرک رکشوں کو مختلف ملکوں کو برآمد کرنے کے بھی کئی مواقع میسر آئے گے کہ جن سے ملک کو قیمتی غیر ملکی زرِ مبادلہ حاصل ہوگا۔ سازگار پہلے ہی جاپان سمیت مختلف ملکوں کو رکشے برآمد کر رہا ہے، جو ہمارے لیے فخر کی بات ہے۔
اس ضمن میں ہم حکومتِ پاکستان سے توقع رکھتے ہیں کہ وہ اس صنعت کو سہولیات فراہم کرے گی تاکہ اس کی صلاحیتوں میں اضافہ ہو اور وزیر اعظم کا صنعتی ترقی اور روزگار کے مواقع پیدا کرنے کا وژن پورا ہو۔
الیکٹرک رکشے کی رُونمائی کے علاوہ کمپنی مستقبل میں BAIC گاڑیوں بھی پیش کرے گی۔ ذیل میں موجود تصویریں دیکھیں:
اپنے خیالات نیچے تبصروں میں پیش کیجیے.
