چنگان نے کارواں پلس کا نیا پریمیم اںٹرئیر متعارف کروا دیا

چنگان نے اپنی ایم پی وی کارواں پلس کا پریمیم انٹیرئیر متعارف کروا دیا ہے۔  کمپنی کی جانب سے کی گئی سوشل میڈیا پوسٹ میں پریمیم گولڈ بیج انٹیرئیر، لگژری سیٹس کی بات کی گئی ہے۔

قیمت

کمپنی کا کہنا ہے کہ سپیشل لانچ پرموشن اور پہلے آؤ، پہلے پاؤ کے تحت اس گاڑی کی قیمت 2999000 روپے رکھی گئی ہے۔

چنگان کارواں کو 2018 میں لانچ کیا گیا تھا، جبکہ کاروان پلس کو 2020 میں متعارف کرایا گیا تھا۔ کمپنی نے اسے سوزوکی بولان کے مقابلے میں متعارف کرایا تھا اور جس نے بولان کے مقابلے میں بہت اچھی کارکردگی دکھائی ہے۔ یہ ایم پی وی بڑی فیملیز جو کہ اکٹھے سفر کرنا چاہتے ہیں، میں کافی مشہور ہے۔ نیز، اس میں بولان کے مقابلے میں نمایاں طور پر زیادہ آپشنز ہیں جو بولان کے خلاف اس کی کامیابی کی بنیادی وجہ ہے۔

اس کار کے بارے میں دلچسپ حقیقت یہ ہے کہ چنگان کاروان پلس صرف  1550000 روپے میں لانچ کی گئی تھی اور پچھلے تین سالوں میں اس کی قیمت دوگنی ہو گئی ہے۔ لیکن پاکستان میں تمام کاروں کا یہی حال ہے، اس لیے کوئی تعجب کی بات نہیں۔

مزید یہ کہ، ہم نے تقریباً دو سال قبل چنگان کارواں پلس کے اونر کا تفصیلی جائزہ لیا تھا۔ مالک نے کار کے بارے میں تفصیلی خیال دیتے ہوئے اس MPV کے مثبت اور منفی پہلوؤں کو ہمارے ساتھ شیئر کیا۔ آپ ہمارے یوٹیوب چینل پر یہاں یہ ریوئیو دیکھ سکتے ہیں۔

ویڈیو دیکھیں