بی وائے ڈی پاکستان نے آخرکار اپنی گاڑیاں ملک میں لانچ کرنے کا اعلان کر دیا ہے۔ کمپنی نے تین گاڑیاں، ایٹو 3 (الیکٹرک کار)، سیل (الیکٹرک کار) اور سی لائن 6 (پلگ اِن ہائبرڈ) کو اپنے برانڈ کے لانچ ایونٹ کے دوران پیش کیا۔ اس تقریب میں میگا موٹرز اور بی وائے ڈی کے اعلیٰ حکام، وفاقی وزیر خزانہ محمد اورنگزیب، سابق وزیر اعظم شاہد خاقان عباسی اور کمپنی کے ڈیلرز نے شرکت کی۔
تقریب کے دوران گاڑیوں کی رونمائی کے کچھ جھلکیاں یہ ہیں:
بی وائے ڈی سیل (الیکٹرک سیڈان) کی خصوصی تصاویر:
ایٹو 3 کی چند جھلکیاں یہاں دیکھیں:
BYD سی لائن 6 کے انٹیرئیر اور ایکسٹیرئیر کی تصاویر:
پاکستان میں BYD کے عزائم:
تقریب کے دوران،حبکو کے سی ای او کامران کمال نے کہا کہ میگا موٹرز کمپنی اور بی وائے ڈی کراچی، لاہور اور اسلام آباد میں تین جدید ترین فلیگ شپ سٹورز قائم کریں گے۔ کامران کمال نے کہا کہ ہم پہلے تین سالوں میں ملک بھر میں 20 سے 25 ڈیلرشپ قائم کریں گے۔
انہوں نے مزید کہا کہ کمپنی کا وژن یہ ہے کہ اگلے پانچ سالوں میں ہر تیسرا پاکستانی BYD کار کا مالک ہو اور ہر وہ پاکستانی جو گاڑی خریدنا چاہتا ہے، وہ BYD گاڑی خرید سکے۔ سی ای او نے کہا کہ ہم کراچی میں پہلی جدید ترین نیو انرجی وہیکل (NEV) اسمبلنگ پلانٹ بنائیں گے اور مزید کہا کہ کمپنی بڑے شہروں اور موٹرویز/ہائی ویز پر الیکٹرک کار چارجنگ اسٹیشنز بھی قائم کرے گی کیونکہ ہم چاہتے ہیں کہ ہمارے صارفین بغیر کسی پریشانی کے سفر کریں۔
کمپنی کے سی ای او نے یہ بھی وعدہ کیا کہ وہ پاکستان کو ایکسپورٹس کا گڑھ بنائیں گے کیونکہ ملک میں ایسا کرنے کی صلاحیت موجود ہے۔
