ہنڈا نے آنے والی HR-V کا ایک اور ٹیزر جاری کردیا

ہنڈا نے اپنی آںے والی HR-V کا ایک اور ٹیزر جاری کردیا ہے۔ اس سے قبل بھی کمپنی نے پاکستان آٹو پارٹس شو کے دوران گاڑی کی فرنٹ گرِل اور ایک ٹیزر میں گاڑی کے لوگو کی جھلکیاں دکھائی تھیں۔

نئے ٹیزر میں گاڑی کی رئیر ایل ای ڈی بیک لائٹ دکھائی گئی ہے جو کہ کوئی خاص بات کو سامنے نہیں لاتی۔ ایسا لگتا ہے کہ ہنڈا صارفین کے درمیان گاڑی سے متعلق دلچسپی بڑھانے کی کوشش کر رہا ہے۔

گزشتہ ٹیزر

گزشتہ ٹیزر میں گاڑی کے فرنٹ پروفائل کے ایک حصے کی جھلکی دکھائی گئی تھی جس سے بہت سے چیزیں سامنے آئی تھیں، جیسا کہ گرِل ڈیزائن اور سٹائل سے پتہ چلتا ہے کہ نئی HR-V تیسری جنریشن ہنڈا ویزل سے مطابقت رکھتی ہے۔

خیال رہے کہ ہنڈا کی نئی HR-V کو جاپان میں ویزل کے نام سے بھی جانا جاتا ہے۔ مزید برآں، ویزل ایک ہائبرڈ الیکٹرک وہیکل (e-HEV) CBU کار ہے، جب کہ ہماری نئی HR-V ممکنہ طور پر پیٹرول سے چلنے والی گاڑی ہوگی کیونکہ اس بات کے بہت کم امکانات ہیں کہ ہمیں ہنڈا کے ذریعے مقامی طور پر اسمبل شدہ ہائبرڈ کراس اوور ملے۔

چند ماہ قبل جون میں ہم نے آپ کو بتایا تھا کہ اس گاڑی کا ایک ٹیسٹ یونٹ پاکستان میں دیکھا گیا تھا۔ مزید تفتیش سے معلوم ہوا کہ ہنڈا اٹلس نے ٹیسٹ یونٹ درآمد کیا جس کی قیمت 6.05 ملین روپے ہے۔ لہذا، یہ کہنا درست ہو گا کہ ہنڈا HR-V اس وقت پاکستان میں سب سے زیادہ انتظار کی جانے والی کار ہے۔

ہنڈا HR-V کی لانچ

ذرائع کے مطابق اس کراس اوور ایس یو وی کی لانچ قریب ہے۔ ذرائع نے مزید کہا کہ کمپنی نے لانچ کے لیے اپنی تیاریاں مکمل کر لی ہیں۔

دریں اثنا، کچھ دوسرے ذرائع نے دعوی کیا کہ لانچ چند دن دور ہے. کمپنی کی طرف سے لانچ کا ابھی تک کوئی باضابطہ اعلان نہیں کیا گیا ہے لیکن اگر ہمیں اپنے ذرائع پر یقین ہے، تو ہم بہت جلد مقامی طور پر تیار کی گئی  HR-V دیکھیں گے۔

اب جبکہ کمپنی آنے والی HR-V کے فیچرز سامنے نہیں لائی تو آپ اس کار کے بارے میں کیا سوچتے ہیں؟ کمنٹس سیکشن میں اپنے خیالات کا اظہار کریں.