ملک میں جاری معاشی بحران کے باوجود پنجاب حکومت پنجاب اسمبلی کے سپیکر اور ڈپٹی سپیکر کے لیے لگژری گاڑیاں خریدنے کے لیے تیار ہے۔ میڈیا رپورٹس کے مطابق یہ فیصلہ سپیکر ملک احمد خان کی زیر صدارت فنانس کمیٹی کے اجلاس میں کیا گیا۔
میٹنگ کے دوران یہ تجویز پیش کی گئی کہ لینڈ کروزر ایل سی 300 جس کی قیمت تقریباً 10 کروڑ روپے ہے، ملک احمد خان کے لیے خریدی جائے۔ یہاں اس بات کو اجاگر کیا گیا کہ سپیکر کے پاس اس کیٹیگری کی گاڑی نہیں ہے۔ مزید برآں، ایک اور تجویز پیش کی گئی کہ ڈپٹی سپیکر اور سیکرٹری کے لیے ٹویوٹا فارچیونر خریدی جائے، جس کی قیمت تقریباً 2.25 کروڑ روپے ہے۔ اس کے علاوہ دونوں عہدیداران کیلئے دو ٹویوٹا ویگو بھی خریدے جائیں جنہیں حفاظتی مقاصد کے لیے استعمال کیا جائے گا۔
اس کا مطلب ہے کہ ان دونوں گاڑیوں کی کُل لاگت تقریباً روپے ہوگی۔ رپورٹ میں بتایا گیا کہ ان کاروں کی قیمت 18 کروڑ ہے۔
اپوزیشن کا موقف
کمیٹی میں اپوزیشن کے تین ارکان نے ملک کی جاری معاشی حالت کا حوالہ دیتے ہوئے خریداری کی مخالفت کی۔ اپوزیشن رکن علی امتیاز وڑائچ نے کہا کہ ان حالات میں نئی گاڑیاں خریدنا اچھا فیصلہ نہیں ہے۔ دریں اثنا، مجتبیٰ شجاع الرحمان اور پاکستان پیپلز پارٹی (پی پی پی) کے علی حیدر گیلانی سمیت دیگر ارکان نے فیصلے کی حمایت کی۔
خبر بشکریہ: سماء نیوز
رپورٹ کی صداقت کو یقینی بنانے کے لیے PakWheels.com نے رپورٹر ذیشان بخش سے رابطہ کیا، جس نے خبر کی تصدیق کی ہے۔
دریں اثنا، پنجاب حکومت نے حال ہی میں نئے بجٹ کے تحت صوبے میں کاروں کے ٹوکن ٹیکس اور رجسٹریشن کی شرحوں پر نظر ثانی کی ہے۔
پنجاب اسمبلی کے سپیکر کے لیے لگژری گاڑیاں خریدنے کی نئی تجویز اور فیصلے پر آپ کا کیا موقف ہے؟ کمنٹس سیکشن میں اپنے خیالات کا اظہار کریں۔
