کیا نئی مٹسوبشی لانسر پاکستان میں ہونڈا سوک کے لیے ایک خطرہ ہے؟

نئی مٹسوبشی گرینڈ لانسر پوری دنیا کے کار شوقینوں کے لیے توجہ کا مرکز بنی ہوئی ہے۔ آٹو انڈسٹری کے کچھ حلقوں میں مٹسوبشی گرینڈ لانسر کو 2017 کی خوبصورت ترین گاڑی قرار دیا جارہا ہے۔ ری ڈیزائن بمپر اور ہیڈلائٹس اس گاڑی کی خوبصورتی میں شاندار اضافہ کرتے ہیں۔ نئی مٹسوبشی لانسر ایک 1.8 لیٹر کی سیڈان ہے جو کہ نان ہائبرڈ خصوصیات کی حامل ہے۔ تائیوان میں مٹسوبشی کے حکام کا کہنا ہے کہ یہ گاڑی سب سے زیادہ فیول اکانومی دینے والی ہے اور ان کا دعوی ہے کہ یہ گاڑی 15.4 کلومیٹر فی لیٹر کی مائیلیج دے گی۔ میرا ماننا ہے کہ ہم مٹسوبشی لانسر کوپاکستان میں ایک جے ڈی ایم گاڑی کے طور پر دیکھیں گے اور یہ نئی ہونڈا سوک کا شدید مقابلہ کرے گی۔ یہاں مٹسوبشی لانسر اور ہونڈا سوک کا مختصر موازنہ کیا گیا ہے۔

ہڈ کے نیچے کیا ہے؟
دونوں گاڑیاں 1.8 لیٹر کی سی وی ٹی ٹرانسمیشن کے ساتھ آتی ہیں اس لیے ان دونوں کی کارکردگی کو جانچنا کافی مشکل ہے جب تک ہم مٹسوبشی کو چلا کر نہیں دیکھ لیتے۔ نئی لانسر کے سٹیرنگ وہیل پر پیڈل شفٹر ایک سٹینڈرڈ کے طور پر آتے ہیں جبکہ یہ آپشن ہونڈا کے صرف 1.5 لیٹر ٹربو ویرینٹ میں آتی ہے۔ تکینکی زبان میں مٹسوبشی لانسر ایک 1.8 لیٹر SOHC, MIVEC 4 سلینڈر انجن کے ساتھ آتی ہے جو کہ 140 بی پی کی طاقت فراہم کرتا ہے جبکہ ہونڈا سوک SOHCi-VTEC انجن کے ساتھ آتی ہے جو کہ بالکل وہی طاقت فراہم کرتا ہے۔

ڈیزائن:

جہاں تک ڈیزائن کا تعلق ہے دونوں سیڈان کارپوریٹ دکھاوٹ رکھتی ہیں اور ان دونوں میں اپنے الگ انداز کا سپورٹی ٹچ ہے۔ مٹسوبشی لانسر ڈیزائن کے حوالے سے کئی طرح سے ہونڈا سوک سے مشابہت رکھتی ہے۔ میں زاتی طور پر ان دونوں گاڑیوں کو ڈیزائن میں 10/10 دوں گا۔
مٹسوبشی گرینڈ لانسر کے خصوصی فیچرز:
اگر چہ مقامی طور پر مینوفیکچر کی گئی گاڑیوں کی لائن میں ہونڈا سوک سب سے زیادہ کمال خصوصیات کی حامل ہے۔ مگر نئی مٹسوبشی ایک سی بی یو ہونے کی وجہ سے درج زیل کچھ منفرد خصوصیات رکھتی ہے۔
• ایکسیڈنٹ وارننگ سسٹم
• ایمرجنسی بریک وارننگ سسٹم
• سٹیبلٹی کنٹرول
• ہل سٹارٹ اسسٹ
• ریر چائلڈ سیٹ اینکرز

اندرونی ساخت:

جیسا کہ تصویر میں دیکھا جاسکتا ہے کہ نئی مٹسوبشی لانسر کی اندرونی ساخت کافی کھلی اور پرکشش ہے۔ اس کا کیبن ہونڈا سوک کے مقابلے میں زیادہ لگژری ہے۔ اس کی لش بلیک اسیسریز اس کی اندرونی ساخت میں شاندار اضافہ کرتی ہیں۔ نئی ہونڈا سوک کا کیبن بھی کافی کھلا اور پرکشش ہے۔ مگر مٹسوبشی لانسر کی کالی سیٹوں پر نارنجی رنگ کی آوٹ لائن سب سے بڑھ کے ہے۔
آپ کا پاکستان میں نئی ہونڈا سوک کے مقابلے میں اس کار کے بارے میں کیا خیال ہے؟ کیا یہ پاکستان میں ممکنہ طور پر ہونڈا سوک کا مقابلہ کر پائے گی؟ اپنے خیالات کا اظہار نیچے کمنٹ باکس میں کریں۔