لیمبورگھینی یوروس کا حیران کن طور پر پرکشش انداز آپ کو پسند ہے نا؟ ہمیں بھی ہے۔ اگر آپ کے پاس لیمبورگھینی یوروس خریدنے کے لیے 2 لاکھ ڈالرز کی رقم نہیں ہے تو ہو سکتا ہے کہ گاڑیاں بنانے والا یہ چینی ادارہ آپ کی ضرورت کو پورا کردے۔ ایک چینی مینوفیکچرر لیمبورگھینی یوروس کی ایک نقل بنا رہا ہے جو اصل گاڑی کی قیمت سے تقریباً 10 گنا کم ہے۔ البتہ یہ صرف چینی مارکیٹ میں جاری کی جائے گی یعنی آپ کو لینے کے لیے کوئی انتظام کرنا پڑے گا۔
یہ نقل گاڑیاں بنانے والا چینی ادارہ ہوانسو بنا رہا ہے، جو چین میں موجودہ کئی چھوٹے برانڈز کی طرح بڑی چینی آٹو کمپنی BAIC کے تحت کام کرتا ہے۔ یہ خبر پہلی بار carnewschina.com پر شائع ہوئی جس نے یہ بھی بتایا کہ ادارے کے نام کا مطلب ہے “جادوئی رفتار”۔ ماڈل کا آفیشل نام C60 ہے جبکہ گاڑی کے پیچھے “Hyosow” کا نام موجود ہے۔
نقلی ماڈل تقریباً 90 فیصد تک وہی ڈیزائن رکھتا ہے خاص طور پر جب گاڑی کو آگے سے دیکھیں۔ اس کا سامنے والی جالی بالکل لیمبورگھینی یوروس جیسی ہے، لیکن اس کے گرد دونوں طرف کویڈ-ایل ای ڈی فوگ لائیٹس ہیں۔ لیمبورگھینی یوروس کی جالی پر موجود چھ کونوں والی شکلوں کو پٹیوں سے تبدیل کیا گیا ہے۔ ہیڈلائٹس کی شکل بھی لیمبورگھینی یوروس کے مقابلے میں بالکل سادہ بنائی گئی ہے اور اس میں ایل ای ڈیز ہیں۔
پہلوؤں سے دیکھیں تو کلاسیکی تکونے فینڈر ویٹس ایسے تبدیل کیے گئے ہیں جو ایک شوول کی شکل دیتی ہے۔ بلاشبہ جب معاملہ لیمبورگھینی کی گاڑیوں کی تیز طرار شکنوں کا ہو تو یہ نقل لیمبورگھینی یوروس کے قریب قریب بھی نہیں۔
جب آپ گاڑی کو پشت سے دیکھتے ہیں تو مماثلت کا خاتمہ ہو جاتا ہے۔ نقلی ماڈل کی بڑی ٹیل لائٹس نوکیلا ڈیزائن ضرور رکھتی ہیں لیکن یہ چینی ادارہ ہرگز لیمبورگھینی کو شکست نہیں دے سکتا بالخصوص جب معاملہ یوروس میں پیش کی جانے والی پتلی لائٹوں کا ہو۔
ایک اور چیز ذہن میں رکھیں کہ کمپنی کے جارحانہ اور خاص نام کے باوجود C60 ہیوسو بہت زیادہ تیز رفتار نہیں ہے۔ اطلاعات بتاتی ہیں کہ ماڈل 2.0 لیٹر فور-سلینڈر ٹربو چارجڈ انجن رکھتا ہے جو تقریباً 200 ہارس پاور پیدا کرتا ہے۔ اس گاڑی میں جگہ البتہ کافی ہوگی؛ یہ 5 سے 7 افراد کی گنجائش دے سکتی ہے جس کا انحصار آپ کی خریدی گئی گاڑی میں موجود اپگریڈز کی تعداد پر ہوگا۔ کار نیوز چائنا کے مضمون کے مطابق اس گاڑی کی قیمت 15,000 سے 24,000 ڈالرز کے درمیان ہوگی۔ یہ واضح ہے کہ یہ گاڑی لیمبورگھینی یوروس کی شرمناک نقل ہے، لیکن وہ افراد جو صرف 25,000 ڈالرز خرچ کر سکتے ہیں وہ ویسے بھی کسی صورت لیمبورگھینی خریدنے نہیں جائیں گے۔
