روپے کی گھٹتی ہوئی قدر اور بڑھتی ہوئی افراطِ زر کی وجہ سے ٹویوٹا انڈس موٹر کمپنی (IMC) نے اپنی کرولا اور IMV گاڑیوں کی قیمتیں بڑھا دی ہیں۔ اس کے ساتھ کرولا XLi،GLi، آلٹس گرینڈ، ہائی لکس اور فورچیونر ویریئنٹس کی قیمتیں بڑھ گئی ہیں۔
نوٹیفکیشن کے مطابق ٹویوٹا کرولا اور IMV ویریئنٹس پر نئی قیمتیں 20 اپریل 2019ء سے لاگو ہوں گی۔ جو اپنی ٹویوٹا گاڑیاں پہلے ہی بک کروا چکے ہیں وہ اس اضافے سے متاثر نہیں ہوں گے۔ قیمتیں 65,000 روپے سے 3,07,100 روپے تک بڑھائی گئی ہیں۔
ٹیکس فائلرز اور نان-فائلرز کے درمیان قیمتوں میں فرق ہوگا۔ فریٹ چارجز بھی مختلف شہروں کے لیے مختلف ہیں۔
مزید برآں، IMC نے کہا کہ اس نے تمام CKD اور CBU پروڈکٹس کے لیے وارنٹی 2 سال یا 50,000 کلومیٹر سے بڑھاکر 3 سال یا 1,00,000 کلومیٹر کردی ہے۔ نئی مقامی طور پر بننے والی کرولا ویریئنٹس کے خریدار 9,500 روپے میں1 سال یا 25,000کلومیٹر کی اضافی وارنٹی خرید سکتے ہیں۔ اسی طرح فورچیونر ویریئنٹس کے خریدار 38,000 روپے (1.3L) یا 40,000 روپے (1.6L اور 1.8L) کی ادائیگی1 سال یا 20,000 کلومیٹر کی اضافی وارنٹی خرید سکتے ہیں۔
مارچ میں آخری اضافہ
مارچ 2019ء میں ٹویوٹا IMC نے اپنی گاڑیوں کی قیمتوں پر نظرثانی کی تھی، جس میں ٹویوٹا کرولا اور اس کے ویریئنٹس، ٹویوٹا ہائی لکس اور اس کے ویریئنٹس اور چند دیگر ٹویوٹا CBUs شامل تھیں۔
حکومت نے حالیہ فائنانس سپلیمنٹری (دوسری ترمیم) بل 2019ء کے ذریعے مقامی سطح پر بننے والی 1700cc اور اس سے زیادہ کی گاڑیوں پر 10 فیصد FED بھی لگا رکھی ہے۔ 1700cc یا اس سے زیادہ کا انجن رکھنے والی گاڑیوں کی قیمتوں پر یہ عنصر بھی اثر انداز ہوا ہے۔
واضح رہے کہ وفاقی حکومت اعلان کر چکی ہے کہ وہ آئندہ ہفتوں میں 1700cc اور اس سے زیادہ کی گاڑیوں پر 10 فیصد FEDواپس لینے کا ارادہ رکھتی ہے۔ لیکن وزیر اعظم کے مشیر برائے تجارت، ٹیکسٹائل اور انڈسٹریز عبد الرزاق داؤد کا یہ وعدہ پورا ہونا باقی ہے۔
ٹویوٹا کی گاڑیوں میں ایسا ہی اضافہ نومبر 2018ء میں کیا گیا تھا۔
پاکستان اور بیرونِ ملک سے ایسی ہی دیگر آٹوموٹِو خبروں کے لیے پاک ویلز کے ساتھ رہیے۔
