جس دِن سے یہ پتہ چلا ہے کہ ٹویوٹا IMC اپنی کرولا XLi اور GLi کی جگہ ٹویوٹا یارِس 2020ء لائے گا، عوام کی نظریں اِس کار پر جمی ہوئی ہیں۔ اور اب ہمیں ٹویوٹا یارِس کی پہلی خصوصی تصویریں بھی مل گئی ہیں، ذرا دیکھیں:
جیسا کہ تصویروں میں دیکھا جا سکتا ہے کہ یہ گاڑی مختلف رنگوں میں آئے گی جن میں سرخ، سفید اور بھورا شامل ہیں۔ یہ مینوئل اور آٹومیٹک ٹرانسمیشن میں بھی دستیاب ہوگی۔ علاوہ ازیں ہمارے قابلِ اعتماد ذرائع کے مطابق یہ گاڑی 1.3 لیٹر انجن آپشن کے ساتھ مارکیٹ میں پیش کی جائے گی؛ لیکن بہت زیادہ امکان ہے کہ کمپنی 1.5 لٹر انجن آپشن کے ساتھ بھی لائے۔ توقع ہے کہ یہ کار مارچ 2020ء میں متعارف کروائی جائے گی۔
ہمارے ذرائع نے یہ بھی بتایا کہ اس کے بنیادی ویرینٹ کی قیمت تقریباً 24 لاکھ روپے ہوگی۔
ٹویوٹا یارِس بھارت، تھائی لینڈ، ملائیشیا، سنگاپور وغیرہ جیسی مارکیٹوں میں بھی آتی ہے۔ اسے ملائیشیا میں وِیوس کے نام سے بھی جانا جاتا ہے جبکہ یہ بھارت اور تھائی لینڈ میں بالترتیب یارِس اور یارِس Ativ کے نام سے آتی ہے۔ بھارت میں اسے گزشتہ سال 1.5L ویرینٹ میں پیش کیا گیا ہے۔
عالمی سطح پر یہ گاڑی ایئر کنڈیشننگ، 6 سے 7 ایئر بیگز، کپ ہولڈرز، پاور لاک دروازوں، پاور اسٹیئرنگ، پاور وِنڈوز، ٹیکومیٹر، اسٹیریو اسپیکر آڈیو سسٹم، پاور ایڈجسٹ ایبل مررز، فرنٹ فوگ لائٹس، ہیٹڈ فرنٹ سیٹس، سیٹیلائٹ نیوی گیشن، کلائمٹ کنٹرول، پاور ڈور مررز، کروز کنٹرول، زینون ہیڈلائٹس اور ریئر فوگ لیمپس کے ساتھ آتی ہے۔ دیکھتے ہیں کہ IMC پاکستان میں اپنے صارفین کو کون سے فیچرز دیتا ہے۔
ان خصوصی تصویروں کے علاوہ پہلے کیموفلاج کی گئی ٹویوٹا یارِس بھی دیکھی گئی ہیں۔
ٹیوٹا یارس کا وڈیو ریویو دیکھیں:
ہماری طرف سے اتنا ہی، اپنے خیالات نیچے تبصروں میں پیش کیجیے۔
