یاماہا موٹر پاکستان نے حال ہی میں اپنی YBR 125 موٹر سائیکل کا 2021 ورژن لانچ کیا ہے۔ کمپنی اس موٹر سائیکل کو “نئی شو اسٹاپر” قرار دیا ہے۔ نئی موٹر سائیکل کے ساتھ نئی قیمت بھی آئی ہے۔ YBR 125 کی پرانی قیمت 1,81,000 روپے تھی جو اب 7,000 روپے کا اضافہ کیا گیا ہے۔ اب نئی YBR 125 کی قیمت 1,88,000 روپے ہے۔
یاماہا کئی ہفتوں سے ایک “نئی ڈیولپمنٹ” سے بات کر رہا تھا۔ اور بالآخر اب موٹر سائیکل میدان میں آ گئی ہے، اندازہ لگائیے کہ نئی 2021 کی YBR 125 میں انوکھی چیز کیا ہوگی؟ ایک جدید ایروڈائنامک اسٹیکر! آخر کِل سوئچ، ڈِپر یا موٹر سائیکل میں اضافی پاور کی ضرورت کسے ہے جب آپ ایک اسٹائلش اور جدید گرافکس سے ہی خوب انجوائے کر سکتے ہیں، ہے نا؟ شاباش، یاماہا!
یاماہا موٹر سائیکل کی قیمتوں میں اضافہ
یاماہا موٹر پاکستان نے مہینے کے آغاز پر اپنی تین موٹر سائیکلوں کی قیمتوں میں اضافہ کیا تھا۔ یاماہا نے 2 اپریل کو 7,000 روپے تک کا اضافہ کیا تھا۔ صرف ایک ہفتے بعد کمپنی نے نئی YBR 125 لانچ کر دی 7,000 روپے کے زبردست اضافے کے ساتھ۔ توقع کے عین مطابق کمپنی نے اس کی کوئی وجہ بیان نہیں کی۔
عوام: “ہاں یاماہا، نئی موٹر سائیکل کے بارے میں کیا خیال ہے کہ جس کی قیمت 7,000 روپے زیادہ ہو؟”
یاماہا: “ارے نہیں، بالکل نہیں۔ یہ وہی ٹین ڈبہ ہے نئے اسٹیکر کے ساتھ۔”
عوام: “کیا؟ پھر قیمت میں اضافہ کس بات کا ہے؟”
یاماہا: “میری موٹر سائیکل، میری مرضی۔”
پاکستان میں گاڑیاں بنانے والے اداروں کو نیا سال شروع ہونے سے گویا کھلی چھوٹ ملی ہوئی ہے۔ جیسا کہ پہلے بھی بتایا گیا کہ امریکی ڈالر کی قیمت پچھلے چند ہفتوں میں نمایاں طور پر کم ہوئي ہے، اس لیے عوام بھی گاڑیوں کی قیمت میں کمی کی توقع کر رہے تھے۔ لیکن خبریں صرف گاڑیوں اور موٹر سائیکلوں کی قیمتیں بڑھنے کی آ رہی ہیں۔ وقت آ چکا ہے کہ حکومت موٹر سائیکل کمپنیوں کی جانب سے قیمتوں میں نامعقول اضافے کا نوٹس لیں۔ آٹو انڈسٹری کو اپنی گاڑیوں کی قیمتوں بڑھانے کے حوالے سے مینوفیکچررز کے لیے ایک ریگولیٹری سسٹم پر بھی کام کرنا چاہیے۔
تو جدید YBR 125 سے آپ کتنا متاثر ہوئے؟ کیا آپ سمجھتے ہیں کہ 7,000 روپے کا اضافہ جواز رکھتا ہے؟ ہمیں نیچے تبصروں میں بتائیں۔
