ہنڈا سٹی کی متوقع قیمت سامنے آنے کے بعد لوکل مارکیٹ میں تہلکہ مچ چکا ہے۔ کمپنی کی جانب سے گاڑی کے فیچرز، لانچ کی تاریخ اور قیمت سامنے نہیں لائی گئی۔
البتہ رپورٹس کے مطابق کمپنی ہنڈا سٹی کے تقریبا 7 ہزار نئے یونٹس کی بکنگ کر چکی ہے۔ گزشتہ ہفتے، یہ گاڑی پاکستان موٹروے پر بھی دیکھی گئی ہے جس کے بعد صارفین میں ایک نیا جوش و خروش دیکھنے کو مل رہا ہے۔
متوقع قیمت
نئی ہنڈا سٹی کی متوقع قیمت کی بات کی جائے تو ذرائع کے مطابق 1200 سی سی گاڑی کی قیمت 27,25000 ہے جبکہ مینوئل ٹرانسمیشن کے ساتھ آنے والی 1200 سی سی گاڑی کی قیمت 25,25000 ہو سکتی ہے۔ ہمارے اس اندازے کی وجہ یہ ہے کہ CVT کی قیمت تقریبا 2 لاکھ روپے ہے۔ اس حساب سے ہم یہ کہ کہہ سکتے ہیں کہ ہنڈا سٹی کے 1500 سی سی کے ویرینٹس کی قیمت 30 لاکھ روپے جبکہ 1500 سی سی ایسپائر کی قیمت 32 لاکھ روپے ہو گی۔
نئی ہںڈا سٹی کے ویرینٹس
ہنڈا سٹی کے پانچ ویرینٹس دستیاب ہیں۔ جن میں سے دو 1200 سی سی جبکہ تین 1500 سی سی انجن رکھتے ہیں۔ 1500 سی سی انجن 118 ہارس پاور کے ساتھ 145Nm ٹارک پیدا کرتا ہے جبکہ 1200 سی سی انجن 89 ہارس پاور کے ساتھ 114Nm ٹارک پیدا کرتا ہے۔
ان میں دو مینوئل اور تین سی وی ٹی ورژنز س شامل کیے گئے ہیں۔ یہ ورژن سٹی 1.2 ایل مینوئل، سٹی 1.2 ایل سی وی ٹی، سٹی 1.5 ایل سی وی ٹی، سٹی ایسپائر 1.5 ایل ایم ٹی اور سٹی ایسپائر 1.5 ایل سی وی ٹی پر مشتمل ہوں گے۔
نئی ہنڈا سٹی کا کن گاڑیوں کا مقابلہ کر سکتی ہے؟
پاکستان کی آٹو مارکیٹ میں گاڑیوں کی بھرمار کے بعد تمام آٹو کمپنیز کے درمیان مقابلے کی فضا پیدا ہوچکی ہے۔ نئی ہںڈا سٹی کا یہ ماڈل پاکستان میں چنگان ایلسون ، ٹویوٹا یارس ، پروٹون ساگا سمیت دیگر کو ٹف ٹائم دے سکتا ہے۔
اس کے علاوہ آپ نئی ہنڈا سٹی کی متوقع قیمت کے بارے میں کیا سوچتے ہیں؟ کیا آپ کو لگتا ہے کہ 6 جنریشن کی ہنڈا سٹی کی یہ قیمت صحیح ہے؟ نیچے دئیے گئے کمنٹس سیکشن میں اپنے خیالات کا اظہار کریں۔
