رواں ماہ فروری میں لکی موٹرز نے ٹرائل اورٹیسٹنگ کیلئے پیجو 2008 کو امپورٹ کیا تھا۔ کمپنی اس گاڑی کو پاکستان کی پہلی فرانسیسی کار کے طور پر لانچ کرنا چاہتی تھی لیکن اس کے بعد یہ گاڑی منظر عام سے غائب ہو گئی اور اس سے متعلق کوئی اپڈیٹ موجود نہیں تھی اور اب ماہ اگست میں یہ SUV کراچی میں دیکھی گئی ہے جس پر سٹیکرز لگا کر اس کی اصل باڈی کو رنگ کو چھپایا گیا ہے۔ ایسے میں کیا ہم کہہ سکتے ہیں کہ پیجو 2008 پاکستان میں جلد لانچ کی جا سکتی ہے۔
اورنج فلیم رنگ کی یہ وہی پیجو 2008 ہے جو کہ کمپنی نے رواں سال کے اوائل میں درآمد کی تھی۔ فرق یہ ہے کہ اب اس کی باڈی پر سٹیکرز لگا دئیے گئے ہیں۔ اس سے قبل یہ ایسی نظر آتی تھی۔
پیجو 2008 کا پاکستان میں مستقبل
پیجیو 2008 سیکنڈ جنریشن کی ایک بی سیگمنٹ سب کامپیکٹ کراس اوور SUV ہے جو جون 2019 میں لانچ کی گئی۔ اس گاڑی میں 1200 سی سی ٹربوچارجڈ 3 سلنڈر انجن دیا گیا ہے۔ اس کے علاوہ یہاں آپ کو 6 سپیڈ مینوئل اور 8 سپیڈ آٹومیٹک ٹرانسپیشن نظر آتی ہے۔
عالمی سطح پر اس گاڑی نے بہت زیادہ کامیابی حاصل کی ہے۔ درحقیقت، فرانسیسی مارکیٹ میں یہ Peugeot کا دوسرا سب سے زیادہ فروخت ہونے والا ماڈل ہے۔ پیجو 2008 پاکستانی مارکیٹ میں اپنی جگہ بنانے کی پھرپور صلاحیت رکھتی ہے۔ گاڑی کا طاقتور طاقتور انجن، بہترین شکل اور جدید فیچرز اس کی کامیابی کی ضمانت ہیں۔ اس گاڑی کو ہمارے دیسی کسٹمرز کیلئے ایک نئے نام کی ضرورت پڑ سکتی ہے۔
صرف پیجیو 2008 ہی ایسی بی سیگمنٹ کراس اوور نہیں ہے جو پاکستان میں لائی جا رہی ہے بلکہ کِیا سٹونک، DFSK گلوری 500 اور پروٹون X50 بھی اسی فہرست میں شامل ہیں۔ اس کے علاوہ MG ZS پہلے ہی اس سیگمنٹ میں موجود ہے۔ اس سیگمنٹ گاڑیوں کی تعداد بڑھنے سے سخت مقابلہ دیکھنے میں آرہا ہے۔
اب یہ لکی موٹرز پر منحصر ہے کہ وہ اسے کس طرح پاکستانی صارفین کو فروخت کرتے ہیں۔ چونکہ لکی موٹرز نے کِیا اسپورٹیج کے ساتھ مقامی مارکیٹ پر قبضہ کر لیا ہے، اسی لیے ایسا لگتا ہے کہ لکی موٹرز کے زیر پرستی یہ فرانسیسی SUV بھی بڑی کامیابی حاصل کرے گی۔
ہم پاکستان میں پہلی فرانسیسی SUV کی لانچ کی تاریخ اور متوقع قیمت کے بارے میں مزید معلومات حاصل کریں گے اور آپ کو اس بارے میں بتاتے رہیں گے۔
