کِیا لکی موٹرز نے اپنی مقامی طور پر تیار شدہ گاڑیوں کے بعد اب اپنی امپورٹڈ گاڑیوں کی قیمت میں بھی اضافہ کر دیا ہے۔ ایک نوٹیفکیشن کے مطابق کِیا گرینڈ کارنیول کی قیمت میں 500000 روپے کا اضافہ کیا گیا ہے۔ جس کے بعد گاڑی کی قیمت 9999000 روپے سے بڑھ کر 10499000 روپے ہو گئی ہے۔
کمپنی فی الحال گاڑی کا GLS پلس نامی صرف ایک ہی ویرینٹ پیش کر رہی ہے۔
کمپنی کا موقف
کمپنی کے مطابق یہ ایکس فیکٹری قیمتیں ہیں جو 4 اپریل 2022 سے لاگو ہوں گی۔ مزید برآں، قیمتیں فریٹ چارجز کے علاوہ ہیں۔ کمپنی نے کہا ہے کہ ڈیلیوری کے وقت لاگو ہونے والا کوئی بھی سرکاری ٹیکس گاہک ادا کرے گا۔
اضافے کی وجہ بتاتے ہوئے کمپنی نے کہا کہ پاکستانی روپے کی قدر میں میں کمی اور سیٹ فریٹ میں انتہائی اضافے کی وجہ سے کمپنی کارنیول کی قیمت پر نظر ثانی کرنے پر مجبور ہے۔
