ٹویوٹا کرولا کراس کو عالمی سطح پر لانچ کرنے کے تین سال بعد اب تھائی لینڈ میں گاڑی کا فیس لفٹ 2024 بھی سامنے آگیا ہے۔ گاڑی کے نئے ویرینٹس میں 1800 سی سی سپورٹ پلس، ایچ ای وی پریمیم، ایچ ای اوی پریمیم لگژری اور ایچ ای وی GR سپورٹ جیسے 4 نئے ویرینٹس متعارف کرائے ہیں۔ ذیل میں اس کراس اوور SUV کے بیرونی اور اندرونی حصے کیساتھ ساتھ سیفٹی فیچرز پر بھی تفصیلی گفتگو کی گئی ہے۔
ایکسٹیرئیر
کرولا کراس فیس لفٹ 2024 میں نئی فرنٹ گرل نظر آتی ہے جو گاڑی کے فرنٹ پروفائل کو مزید خوبصورت بناتی ہے۔ اس کے ساتھ ساتھ یہاں آپ کو ایل ای ڈی کرسٹلائزڈ ہیڈ لیمپس اور ایل ای ڈی فوگ لیمپس بھی نظر آتے ہیں۔ ہنی کومبڈ فرنٹ گرل کی وجہ سے گاڑی کا فرنٹ چیری اوماڈا اور لیکسس آر ایکس کے فرنٹ جیسا نظر آتا ہے۔
اس کے علاوہ گاڑی میں نئے کراس فریم لیس پینورامک سن روف لائٹ گائیڈنگ کے ساتھ ایل ای ڈی ریئر لیمپ، 2 ٹون فنش کے ساتھ 18 انچ کے الائے وہیل اور تین ویریئنٹس میں 225/50R18 ٹائر جیسے فیچرز نظر آتے ہیں جب کہ GR Sport میں ٹائر کا سائز ایک جیسا ہی ہے لیکن الائے وہیلز کا ڈئزائن مختلف ہے۔
انٹیرئیر
گاڑی کے انٹیرئیر کی بات کریں تو یہاں پری فیس لفٹ کے فُٹ آپریٹڈ میکانزم کی بجائے الیکٹرک پارکنگ بریک شامل ہے، یعنی اسے آٹومیٹک بریک ہولڈ کے ساتھ ملایا گیا ہے۔ اس کے علاوہ دیگر ٹاپ ویریںٹس میں انسٹرومینٹل کلسٹر 12.3 انچ کا مکمل ڈیجیٹل ڈسپلے دیا گیا ہے جبکہ دیگر میں ایپل کار پلے اور اینڈرائیڈ آٹو کے ساتھ 10.1 انچ ٹچ سکرین یونٹ موجود ہے۔
نئی کرولا کراس فیس لفٹ میں سیٹیں سیاہ یا ڈارڈ روز (سرخ) رنگوں میں دی گئی ہیں۔ دریں اثنا، کیبن لائٹ اب ایل ای ڈی ہے اور ٹاپ 2 ویرینٹس میں وائرلیس چارجر دئیے گئے ہیں۔
انجن
اس فیس لفٹ میں روایتی 1.8 لیٹر نیچرلی ایسپائریٹڈ انجن دیا گیا ہے جبکہ ہائبرڈ پاور ٹرین بھی انجن کا ایک حصہ ہے۔ گاڑی کے بیس ویرینٹ میں 1800 سی سی 2ZR-FBE انجن دیا گیا ہے جو 140 ہارس پاور اور 177 نیوٹن میٹر ٹارک پیدا کرتا ہے جبکہ دیگر تین ویرینٹس میں 1800 سی سی 2ZR-FXE انجن دیا گیا ہے۔
سیفٹی فیچرز
بیس ویرینٹ میں بلائنڈ سپاٹ مانیٹرنگ اور ریئر کراس ٹریفک الرٹ دیا گیا ہے جبکہ HEV لگژری ویرینٹ ٹویوٹا سیفٹی سینس سوٹ آف سسٹمز کے ساتھ آتا ہے جس میں پری کولیشن، سٹاپ اینڈ گو، لین کے ساتھ آل سپیڈ ڈائنامک ریڈار کروز کنٹرول شامل ہے۔
