‘آن منی’ کی روک تھام کے لیے اس شہر اور صوبے میں ٹیکس لگا دیا گیا

فروری 2021 میں صدر عارف علوی نے ایک آرڈیننس جاری کیا تھا جس میں ملک میں ‘آن منی’ سے نمٹنے کے لیے وِد ہولڈنگ ٹیکس لگایا گیا تھا۔ اب اس معاملے پر ایک تازہ خبر آئی ہے کہ حکومت پنجاب اور اسلام آباد میں حکام نے بالآخر یہ ٹیکس لگا دیا ہے۔ اس کا مطلب ہے کہ اگر کوئی پنجاب یا اسلام آباد میں نئی گاڑی خریدتا ہے اور خریداری کے بعد تین مہینوں کے اندر اسے فروخت کرنے کا فیصلہ کرتا ہے تو اسے گاڑی پر ود ہولڈنگ ٹیکس دینا پڑے گا۔

یہ ٹیکس کچھ اس طرح ہوگا:

اس کا مطلب ہے کہ اس شخص کو 1000cc تک کی گاڑی پر 50,000 روپے، 1000cc سے 2000cc تک کی گاڑی پر 1,00,000 روپے اور 2000cc سے زیادہ کی گاڑی پر 2,00,000 روپے ادا کرنا ہوں گے۔ یہ ‘آن منی’ سے نمٹنے کے لیے حکومت کی طرف سے اٹھایا گیا بہترین قدم ہے۔

‏’آن منی’ کے کلچر کی وجوہات:

‏’آن منی’ کے رحجان کا سبب بننے والی بنیادی وجوہات میں سے ایک حکومت کی جانب سے استعمال شدہ گاڑیوں کی درآمد پر پابندی ہے۔ اس کے علاوہ امپورٹڈ گاڑیوں کے ڈیلرز نے بھی کرنسی کی شرحِ تبادلہ میں ہونے والے اضافے کی وجہ سے اپنی قیمتیں بڑھا دی ہیں۔ اس لیے خریداروں کے پاس کوئی راستہ نہیں بچا کہ وہ مقامی طور پر بنائی جانے والی گاڑیاں ہی خریدیں،، اس کے باوجود کہ گزشتہ دو سال کے دوران ان کی قیمتوں میں بارہا اضافہ کیا گیا ہے۔

اس کے علاوہ لوکل مارکیٹ میں گاڑیوں کی دیر سے ڈلیوری کا کلچر بھی بڑھتا ہی چلا جا رہا ہے۔ زیادہ تر لوکل مینوفیکچررز گاڑی کی ڈلیوری 5 سے 6 مہینے بعد کرتے ہیں۔ پاکستان میں قیمتیں مسلسل بڑھتی رہتی ہیں اس لیے خریدار کو ڈلیوری کے وقت اضافی ادائیگی بھی کرنا پڑتی ہے۔ پھر کئی لوگ نئی گاڑی کے لیے اتنا طویل انتظار نہیں کر سکتے، اس لیے ڈیلرز اس صورت حال کا فائدہ اٹھاتے ہیں۔ وہ گاڑی کی فوری ڈلیوری کی پیشکش کرتے ہیں اضافی ادائیگی کے ساتھ، مثلاً حال ہی میں لانچ ہونے والی گاڑی چنگان ایلسوِن پر ‘آن منی’ تقریباً 4 لاکھ روپے ہے۔

اس لیے لوگوں کی بڑی تعداد ‘فوری’ ڈلیوری کے لیے ادائیگی کریں گے جس سے ڈیلرز کو ناجائز فائدہ ملتا ہے۔

حکومت کے اس قدم کے بارے آپ کی رائے کیا ہے؟ اپنے خیالات کمنٹس سیکشن میں پیش کیجیے۔