پاک سوزوکی نے اعلان کیا ہے کہ وہ پاکستان میں پہلی بار ‘کرٹسی کار’ کی سہولت متعارف کروا رہا ہے۔ سروس کے مطابق صارفین اپنی گاڑیاں منتخب ڈیلرشپس کے پاس سروس کے لیے چھوڑ سکتے ہیں اور بدلے میں ‘کرٹسی کار’ پا سکتے ہیں۔
صارفین اس متبادل گاڑی کو تب تک استعمال کر سکتے ہیں جب تک ان کی گاڑی متعلقہ ڈیلرشپ کے پاس رہے۔ ایک مرتبہ ضروری سروس مکمل ہو جائے تو ڈیلرشپ اس متبادل گاڑی کو واپس لے کر آپ کو اپنی گاڑی واپس دے دے گی۔
ایک فیس بک پوسٹ میں سوزوکی پاکستان نے اعلان کیا کہ “پاکستان میں پہلی بار سوزوکی نے اپنے صارفین کے لیے کرٹسی کار کی سہولت متعارف کروائی ہے۔”
اس سہولت کے استعمال کو واضح کرتے ہوئے کمپنی نے کہا کہ “آپ سروس کے لیے اپنی گاڑی کسی ڈیلرشپ پر چھوڑ سکتے ہیں اور بدلے میں اتنے عرصے کے لیے کرٹسی کار لے سکتے ہیں جب تک آپ کی گاڑی ڈیلرشپ کے پاس رہتی ہے۔”
“کرٹسی کار منتخب ڈیلرشپ پر دستیاب ہے،” کمپنی نے مزید کہا۔
پاک سوزوکی کی ملک بھر میں سینکڑوں ڈیلرشپس ہیں لیکن ابتدائی مرحلے میں صرف منتخب آؤٹ لیٹس ہی یہ سہولت فراہم کرنے کے قابل ہوں گے۔
کمپنی کے ملک میں ہزاروں صارفین ہیں کہ جس کے موجودہ سوئفٹ، کلٹس، ویگن آر اور دیگر ماڈلز بہت مقبول ہیں۔
سوزوکی آلٹو 2019ء
سوزوکی مہران کو بند کرکے کمپنی نے حال ہی میں پاکستان آٹو پارٹس شو (PAPS) 2019ء میں 8ویں جنریشن کی سوزوکی آلٹو متعارف کروائی۔ یہ 660cc انجن کی حامل پہلی گاڑی ہے جو مقامی سطح پر بنائی گئی ہے۔
گو کہ گاڑی کی خصوصیات اور تفصیلات کا اعلان ہونا ابھی باقی ہے، لیکن توقع ہے کہ اس سوزوکی 660cc کے تین ویریئنٹس ہوں گے، جن میں شامل ہیں:
سوزوکی آلٹو VX (بغیر AC کے)
سوزوکی آلٹو VXR (AC کے ساتھ)
سوزوکی آلٹو VXL AGS (آٹو گیئر شفٹ کے ساتھ)
سوزوکی آلٹو 2019ء بک کروانے اور 5 لاکھ روپے کی پیشگی ادائیگی کرنے والے پہلے 3،000 صارفین قرعہ اندازی میں جائیں گے جن میں سے 30 خوش قسمت افراد کو بقایا جات کی ادائیگی کے بغیر آلٹو 660cc ہیچ بیک پانے کا موقع ملے گا۔
توقع ہے کہ پاکستان میں بنی آلٹو 660cc میں JDM ورژن جیسی ہی خصوصیات شامل ہوں گی۔ آپ سوزوکی آلٹو 660cc JDM کا جائزہ یہاں دیکھ سکتے ہیں:
پاکستان کی آٹوموٹِو انڈسٹری کے بارے میں تازہ ترین خبریں پانے کے لیے پاک ویلز کے ساتھ رہیے۔ اپنی آراء نیچے تبصروں میں پیش کیجیے۔
