پاکستان میں ٹویوٹا گاڑیوں کی قیمتوں میں تبدیلی کا اعلان

چند روز قبل انڈس موٹر کمپنی کی جانب سے پاکستان میں تیار کی جانے والی ٹویوٹا آلٹس 1.6 اور کرولا GLi آٹومیٹک سمیت متعدد گاڑیوں کی قیمتوں میں اضافے کا اعلان کیا گیا تھا۔ اب ٹویوٹا پاکستان نے ان گاڑیوں کی قیمتیں بھی بڑھانے کا اعلان کیا ہے جنہیں بیرون ملک سے تیار شدہ حالت میں درآمد کیا جاتا ہے۔ یاد رہے کہ صرف ٹویوٹا ہی نہیں بلکہ پاک سوزوکی، ہونڈا اور الحاج فا موٹرز نے بھی رواں سال اپنی گاڑیوں کی قیمتیں بڑھائی ہیں۔

گاڑیاں بنانے والے متعلقہ اداروں کا کہنا ہے کہ ڈالر کے مقابلے میں روپے کی گرتی ہوئی قدر کے باعث گاڑیوں کی قیمتوں میں اضافہ ناگزیر ہو چکا ہے۔ اس کے علاوہ تیار شدہ گاڑیوں (CBU) کی قیمتوں میں اضافے کی ایک وجہ حکومت کی جانب سے جاری کردہ نیا ایس آر او 1035(1)2017 بھی ہے۔ اس نئے قانون کے تحت گاڑیوں کی درآمد پر عائد ہونے والی ریگولیٹری ڈیوٹیوں میں اضافہ کیا گیا ہے۔ پورشے، بی ایم ڈبلیو اور آوڈی پاکستان نے اس قانون کے خلاف عدالت سے رجوع کر لیا ہے اور امید کی جا رہی ہے کہ عدالت اس ضمن میں اپنا فیصلہ جلد سنائے گی۔

ٹویوٹا پاکستان کی جانب سے جن CBUs کی قیمتوں میں اضافہ کیا گیا ہے، ان کی تفصیلات درج ذیل ہیں۔ یہاں ایک بات کا اضافہ کرتے ہیں چلیں کہ اس فہرست میں شامل ٹویوٹا ہائی لکس کا شمار CBU میں نہیں کیا جاتا تاہم حالیہ اعلامیہ میں اس کی قیمت بڑھانے کی اطلاع بھی شامل ہے۔

ٹویوٹا ہائی لکس کے ماڈلز کی نئی قیمتیں یہ ہیں:

ٹویوٹا فورچیونر اور ٹویوٹا ہائی لکس ریوو V آٹومیٹک 3.0 کی قیمت میں کوئی تبدیلی نہیں کی گئی۔

مزید برآں، انڈس موٹرز کی جانب سے مستقبل قریب میں ٹویوٹا کیمری اور فورچیونر کا ڈیزل ماڈل عاف کروائے جانے کی امید ہے۔ کیا یہ دونوں گاڑیاں قیمتوں میں اضافے کے باوجود پاکستانی خریداروں کو متوجہ کر سکیں گی؟ اس بارے میں اپنی رائے ضرور دیجیے۔