یاماہا پاکستان کا بائکس سے متعلق نیا انسٹالمنٹ پلان آگیا

پاکستان میں موٹرسائیکل بنانے والی کمپنیوں کو بھی اُنہی چیلنجز کا سامنا ہے جو کار بنانے والے ایک عرصے سے برداشت کر رہے ہیں۔ ملک کا آٹو سیکٹر مسلسل گراوٹ کا شکار ہے۔ مقامی کار اور بائک کمپنیز پر یہ واضح ہو چکا ہے کہ کوئی بھی انڈسٹری میں استحکام آنے میں ابھی کافی وقت لگے گا۔

اس لیے، کم از کم اپنی فروخت اور منافع کو برقرار رکھنے کے لیے بائک کمپنیاں اپنے نمایاں ماڈلز پر ایک کے بعد ایک نئی آفر کا اعلان کر رہی ہیں۔

اس بار یاماہا پاکستان YBR125G (میٹ اورنج) کے لیے ایک نیا انسٹالمنٹ پلان لائی ہے۔ کمپنی نے ایک بہترین آفر کا اعلان کیا ہے جس کے ذریعے اب آپ YBR125G کے مالک بن سکتے ہیں۔

آفر

خیال رہے کہ یہ آفر محدود وقت کے لیے ہے۔ اس پلان کے تحت کوئی بھی یاماہا YBR125G کو 0 فیصد مارک اپ پلان کے ساتھ آسان اقساط پر خرید سکتا ہے۔ جی ہاں، آپ نے صحیح پڑھا ہے – صرف 29000 روپے ماہانہ قسط  کیساتھ یہ 12 ماہ کا پلان ہے۔ یعنی کہ آپ بھاری سود ادا کرنے کی فکر سے آزاد ہو کر اس بائک کے مالک بن سکتے ہیں۔

اس کے علاوہ ڈاؤن پیمنٹ کی بات کی جائے تو کمپنی کی جانب سے جاری کردہ پلان کے مطابق صارف کو 164000 روپے ڈاؤن پیمنٹ کے طور پر ادا کرنا ہوں گے جس میں رجسٹریشن اور پروسیسنگ فیس بھی شامل ہے۔

نیا ماڈل

اس سے قبل فروری 24 میں، کمپنی نے YBR125G کے دو نئے ماڈل معمولی ڈیزائن اور کلر اپ ڈیٹس کے ساتھ بھی لانچ کیے، ایک مارخور والے سٹیکر کے ساتھ جبکہ دوسرا میٹالک بلوئش گرے تھا۔

حالیہ انسٹالمنٹ پلان کے بارے میں آپ کے کیا خیالات ہیں۔ کمںٹس سیکشن میں ہمیں بتائیں۔