2017: دنیا بھر کی 100 مقبول ترین گاڑیاں

سال 2017 کے اعداد و شمار کا تجزیہ کرنے کے بعد ہم بخوبی اندازہ لگا سکتے ہیں کہ دنیا بھر میں گاڑیوں کے شعبے میں کیا رجحان پایا جا رہا ہے۔ ہاں اگر لمبے چوڑے حساب کتاب میں نہیں پڑنا چاہتے اور مختصر احوال جاننا چاہتے ہیں تو آپ کو یہ بتانا کافی ہو گا کہ آج بھی دنیا کی مشہور ترین گاڑی ٹویوٹا کرولا ہی ہے۔ باوجودیکہ کرولا کی مجموعی فروخت پچھلے سال سے 6.6 فیصد کم رہی مگر اس کے باوجود کوئی بھی گاڑی اسے پیچھے نہ چھوڑ سکی۔ مختصر وقت کے لیے مختلف اسپورٹس یوٹیلٹی وہیکلز (SUVs) کی مانگ میں بھی اضافہ دیکھا گیا اور فورڈ پک اپ ٹرک نے تو ایک نیا سنگ میل بھی عبور کیا۔ آئیے، اب دیکھتے ہیں کہ سال 2017 میں انفرادی سطح پر گاڑیوں کی فروخت کی کیا صورتحال رہی۔

تو جناب، دستیاب اعداد و شمار کے مطابق گاڑیوں کے تمام ہی زموں میں خسارہ دیکھا گیا البتہ صرف ہلکی گاڑیوں کی فروخت گزشتہ سال کی نسبت 2 فیصد  زیادہ رہی۔ دیگر تمام زمروں میں تو مجموعی طور پر کمی ہی دیکھنے کو ملی۔ اگر آپ گاڑیوں سے متعلق کسی صفحے، ویب سائٹس یا چینل سے منسلک ہیں تو آپ یہ جانتے ہوں گے کہ SUVs گاڑیوں کی مقبولیت پہلے سے بہتر ہو چکی ہے اور 12 فیصد مجموعی اضافے کے ساتھ یہ کسی بھی سال میں سب سے زیادہ شہرت حاصل کر رہی ہیں۔

اب ذرا فورڈ 150F- پک اپ کے بارے میں بھی بات کرتے ہیں۔ ویسے تو فروخت کے لحاظ سے یہ تقریباً 42 سالوں سے ہی سرفہرست ہے لیکن پہلی مرتبہ اس نے ایک ہی سال میں 10 لاکھ گاڑیاں فروخت کرنے  کا سنگ میل عبور کر لیا ہے۔ اس کارنامے کے بعد فورڈ پک اپ کو مقبول ترین گاڑیوں میں دوسرا نمبر حاصل ہوا ہے۔ یاد رہے کہ آج تک صرف تین گاڑیاں ٹویوٹا کرولا، فورڈ فوکس اور ووکس ویگن گولف ہی ہیں جنہوں نے 10 لاکھ گاڑیوں کی فروخت کے سنگ میل تک پہنچ پائیں ہیں۔ ان تینوں کا شمار ہلکی گاڑیوں میں ہوتا ہے لہذا ان کے بیچ ایک مہنگے پک اپ ٹرک کی اتنی زیادہ فروخت۔۔۔ تعریف تو بنتی ہے۔ F-150 کی براہ راست مدمقابل شیورولٹ سلوراڈو  کو مقبول ترین گاڑیوں میں نواں نمبر ملا ہے جو ابھی تک 10 لاکھ فروخت سے دور ہے۔

گزشتہ سال ہونڈا سوک نے 21.7 فیصد کی نمایاں ترقی دیکھی جو سول کی تاریخ میں سب سے زیادہ سالانہ اضافہ ہے۔ دلکش انداز، ٹربو چارجڈ انجن اور دیگر بہترین خصوصیات کی حامل گاڑیوں (سیڈان + ہیچ بیک) کی فروخت ہاتھوں ہاتھ ہوئی ہے۔ نئے ڈیزائن نے خصوصاً یورپین صارفین کو بہت متاثر کیا اس لیے امید کی جا رہی ہے کہ 2018ء میں بھی سوک کی فروخت کا تسلسل جاری رہے گا۔
یہاں SUVsکی بات ہو رہی ہے کہ تو ٹویوٹا 4 RAVکا ذکر بھی کرتے چلیں جو گزشتہ 20 سال قبل پیش کیا گیا تھا اور چند سال پہلے جاپان میں بند کیے جانے کے باوجود اس کی آخری جنریشن دھڑا دھر فروخت ہو رہی ہے۔ دنیا بھر میں 807,401 کی تعداد میں فروخت ہونے کے ساتھ ہی اس نے اپنے زمرے میں سر فہرست درجہ حاصل کرتے ہوئے ہونڈا CR-V کو بھی بڑے فرق سے پیچھے چھوڑ دیا ہے۔ نئی ووکس ویگن ٹائیگوان بھی تیزی سے آگے بڑھ رہی ہے اور 14وٰیں سے 7ویں نمبر پر آ چکی ہے۔ اس زبردست کامیابی کے پیچھے کار سازی کے شعبے میں آنے والی بہتری ہے جس نے اس SUV کو ایک بہترین فیملی کار ثابت کیا ہے۔

آئیے، اب گزشتہ سال دنیا کی 100 مقبول ترین کی فہرست میں شامل گاڑیوں پر نظر ڈالتے ہیں۔ آپ بھی اس فہرست کو بغور دیکھیے اور بتائیے کہ آیا آپ کی من پسند گاڑی بھی اس میں شامل ہے یا نہیں!

اس مضمون میں استعمال کیے جانے والے اعداد شمال گلوکل آٹو ڈیٹابیس (GAD) سے لیے گئے ہیں۔ یہ ڈیٹابیس گاڑیوں کے مختلف زمروں اور انداز کے اعتبار سے خرید و فروخت کے شماریات فراہم کرتی ہے۔