JW SEZ گروپے کا مالک اور ایم جی کے لوکل پارٹنر جاوید آفریدی ایک نئی کار کے ٹیزر کے ساتھ سامنے آئے ہیں۔ پچھلے ایک سال سے جاوید آفریدی کئی نئی گاڑیوں جھلکیوں کے ساتھ دیکھے گئے ہیں اور اب کی بار انھوں نے اپنی ایک ٹویٹ میں MG 6 Pro کی ویڈیو شئیر کی ہے جوکہ ایک سیڈان کار ہے۔ ٹویٹ میں انھوں نے soon لکھا ہے یعنی یہ کار جلد پاکستان میں بھی دیکھنے کو ملے گی۔
MG6 Pro 🔜 pic.twitter.com/0kvj9yi2OK
— Javed Afridi (@JAfridi10) June 19, 2021
ویڈیو میں آپ گاڑی کی سٹائلش فرنٹ اور بیک سائیڈ دیکھ سکتے ہیں۔ ویڈیو کلپ میں اس سیڈان کار کے انٹیرئیر بھی دیکھا جا سکتا ہے۔ یہ ایک سی- سیگمنٹ سیڈان کار ہے۔ اگر کمپنی اس کار کو پاکستان میں لانچ کرتی ہے تو یہ پاکستان میں ہنڈا سوِک اور ٹویوٹا کرولا کو ٹکر دے سکتی ہے اور اگر ایسا ہوتا ہے تو یہ اس سیگمنٹ میں موجود گاڑیوں کے درمیان مقابلے کی فضا پیدا کر دے گی کیونکہ اس سے قبل ہیونڈائی کی جانب سے ایلانٹرا لانچ کر چکا ہے۔
چین میں گاڑی کی رونمائی
دلچسپ بات یہ ہے کہ حال ہی میں چین میں اس گاڑی کی رونمائی ہوئی ہے جبکہ ابھی اس کی لانچنگ باقی ہے۔ ایسے میں یہاں اہم سوال پیدا ہوتا ہے کہ ایم جی پاکستان کیسے اس گاڑی کو مقامی مارکیٹ میں لانچ کر سکتی ہے۔
اس سوال کا ممکنہ جواب یہ ہے کہ ایم جی ایچ ایس کی طرح کمپنی ایم جی 6 پرو کے CBU یونٹس درآمد کرے گی اور انہیں یہاں فروخت کرے گی۔ تاہم ابھی کچھ واضح نہیں ہے اور پاکستان میں اس کی ممکنہ لانچ کے بارے میں کوئی مقررہ وقت نہیں دیا گیا۔ ہمیں لگتا ہے کہ پاکستان میں یہ گاڑی جلدی لانچ نہیں کی جائے گی کیوں کہ ہہلے یہ چین میں لانچ ہوگی اور بعد ازاں اسے پاکستان میں لایا جائے گا۔ علاوہ ازیں، اس سے قبل بھی جاوید آفریدی MG 3, MG 5 اورMG Gloster جیسی گاڑیوں کی جھلکیاں بھی دکھا چکے ہیں لیکن ان گاڑیوں کی پاکستان میں لانچ کے کوئی امکانات نہیں پائے جاتے۔
ذرائع کے مطابق، اس وقت MG HS, MG ZS اور MG ZS EV ہی وہ گاڑیاں ہیں جو MG پاکستان کی جانب سے کنفرم کی گئی ہیں اس کے علاوہ کمپنی کوئی بھی نئی گاڑی لانچ کرنے کا مںصوبہ نہیں رکھتی۔
انٹرنیشنل فیچرز
رپورٹس کے مطابق مذکورہ گاڑی کے فیچرز درج ذیل ہیں:
- 1500 سی سی ٹربو چارجڈ انجن
- 181 ہارس پاور
- 285Nm ٹارک
- 7 سپیڈ DCT
- 1 انچز انفوٹینمنٹ ٹچ سکرین
- LED ہیڈ لائٹس
- 2 ٹون سپورٹس سیٹس
- 18 انچ بلیک الائے رمز
یہ تھرڈ-جنریشن پرو ویرینٹ بالکل سپورٹ کار کی طرح نظر آتا ہے۔ گاڑی کی بڑی کالی گرِل، سپورٹی فرنٹ اور جاذب نظر ہیڈلائٹس اس کے بہترین ڈیزائن کی عکاسی کرتا ہے۔ گاڑی کا رنگ ببل اورنج جو کہ خاص اسی گاڑی کیلئے ڈیزائن کیا گیا ہے۔
قیمت کی بات کی جائے تو اس کی قیمت بعد ازاں چین میں سامنے لائی جائے گی۔
