نئی سٹی کیلئے تیار ہو جائیں، ہنڈا پاکستان

ہنڈا کی جانب سے ویڈیو ٹیزر جاری کیے جانے کے بعد صارفین کے لیے انتظار کی گھڑیاں ختم ہوتی نظر آ رہی ہیں۔ ہنڈا پاکستان کے آفیشل فیس بُک پیج پر یہ ٹیزر جاری کیا گیا ہے جس کے ساتھ یہ کہا گیا ہے کہ صبر کا پھل میٹھا ہوتا ہے۔

کمپنی نے گاڑی کی لانچنگ کے بارے اشارہ دیتے ہوئے کہا ہے کہ “تیار ہو جائیے کیوں کہ اب وقت آگیا ہے”۔ فیس بُک پیج پر شئیر کیے گئے ٹیزر کے ساتھ یہ بھی لکھا گیا ہے کہ “انتظار کی گھڑیاں ختم ہو چکی ہیں”۔ جس کے بعد ہم یقینا یہ کہہ سکتے ہیں کہ گاڑی کی لانچنگ قریب ہے۔

متوقع قیمت:

نئی ہنڈا سٹی نے لوکل مارکیٹ میں نیا شور پیدا کر دیا ہے۔ کمپنی کی جانب سے گاڑی کے فیچرز، خصوصیات، آفیشل لانچ کی تاریخ اور گاڑی کی قیمت نہیں بتائی گئی جبکہ مبینہ طور پر ہنڈا سٹی کے 12000 یونٹس بُک کروا لیے گئے ہیں۔

ذرائع کے مطابق 1200 سی سی کی قیمت 2725000 روپے ہے جبکہ 1200 سی سی مینوئل ٹرانمیشن گاڑی کی قیمت 2525000 روپے کے قریب ہو سکتی ہے۔ ایسا ہم اس لیے کہہ رہے ہیں کیوں کہ CVT کی قیمت تقریبا 200000 روپے ہے۔

نئی ہنڈا سٹی کے ویرینٹس:

نئی ہنڈا سٹی کے 5 ویرینٹس دستیاب ہوں گے جن میں سے دو ویرینٹس 1200 سی سی انجن دئیے گئے ہیں جبکہ دیگر تین ویرنٹس میں انجن کی پاور 1500 سی سی ہے۔ 1500 سی سی انجن 118 ہارس پاور اور 145Nm ٹارک پیدا کرتا ہے جبکہ 1200 انجن 89 ہارس پاور اور 114Nm ٹارک پیدا کرنے کی صلاحیت رکھتا ہے۔ ان میں سے دو مینوئل جبکہ تین CVT ٹرانسمیشن ویرینٹس ہیں۔

• City 1.2L Manual
• City 1.2L CVT
• City 1.5L CVT
• City Aspire 1.5L MT
• City Aspire 1.5L CVT

مقابلہ:

پاکستان کا سب سے سستا سیڈان سیگمنٹ دن بدن مشہور ہوتا جا رہا ہے جس سے صارفین کے لیے چوائسز بڑھ رہی ہیں جبکہ دوسری جانب کار مینوفیکچررز کے لیے مارکیٹ میں مقابلپ بھی بڑھ رہا ہے۔

نئی ہنڈا سٹی ٹویوٹا یارس، چنگان ایلسون اور پروٹون ساگا کو ٹف ٹائم دے سکتی ہے؟ ہنڈا سٹی کی قیمتوں کے بارے آپ کی کیا رائے ہے؟ آپ کا کیا خیال ہے کہ 6 جنریشن ہنڈا سٹی کی یہ قیمت ٹھیک ہے؟ نیچے دئیے گئے کمنٹس سیکشن میں اپنی رائے کا اظہار کریں۔