ٹویوٹا پاکستانی ذہنیت کو پوری طرح سمجھتا ہے کہ اب بھی ایسے ڈرائیور موجود ہیں جو اپنی پٹرول انجن کو ہائبرڈ یا الیکٹرک گاڑی پر ترجیح دیتے ہیں۔ اسی کے مطابق جاپانی مینوفیکچرر نے ہائبرڈ کرولا کراس کو پیٹرول ویرینٹ کے طور پر لانچ کیا ہے۔ اس کراس اوور کے ہائبرڈ ویرینٹ کو دسمبر کے آخر میں ہیول H6اور کِیا سپورٹیج کے مقابلے میں لانچ کیا گیا تھا۔
کرولا کراس کا ریوئیو
اس سے پہلے، ٹویوٹا کرولا کراس کا ہائبرڈ ویرینٹ دسمبر 2023 میں آٹو مارکیٹ میں تین ویریںٹس کے ساتھ آیا تھا جن میں لو، مِڈ اور ہائی کیٹیگریز شامل تھیں۔ تاہم حال ہی میں لانچ کیے گئے نان ہائبڑد کرولا کراس کے دو ویرینٹس لانچ کیے گئے ہیں۔ جن میں 1.8 اور 1.8Xویرینٹس شامل ہیں۔ اس گاڑی کا سائز وہی ہے جو ہائبڑد ماڈل کا سائز تھا۔
انجن اور ٹرانسمشن
ہائبرڈ ویرینٹس میں 1800 سی سی 2ZR-FXE انجن دیا گیا ہے جو 167 ہارس پاور پیدا کرتا ہے جبکہ پٹرول 2ZR-FE انجن 138 ہارس پاور اور 172 نیوٹم میٹر ٹارک پیدا کرتا ہے۔ جہاں تک فیول ایوریج کا تعلق ہے ہائبرڈ ویرینٹس 22 سے 25 کلومیٹر فی لیٹر جبکہ پٹرول ویرینٹ 14 سے 15 کلومیٹر فی لیٹر مائلیج دیتا ہے۔
ایکسٹیرئیر
گاڑی 215/60/R17 ٹائروں اور 17 انچ کے الائے رمز کے ساتھ آتی ہے۔ ایکس ویریئنٹ (ٹاپ ویرینٹ) میں ہیڈلائٹسب بائی بیم ایل ای ڈی ہیں جبکہ بیس ویرینٹ میں ہیلوجن ہیں۔ اس کے علاوہ دونوں میں ڈی آر ایلز اور فالو می ہوم آپشن کے ساتھ آٹو لائٹ سسٹم ہے۔ اسی طرح، ٹاپ ویرینٹ میں بریک لیمپ ایل ای ڈی اور بیس میں ہیلوجن ہیں۔ ٹاپ ویرینٹ ایل ای ڈی فوگ لیمپ کے ساتھ آتا ہے جو بیس ون میں دستیاب نہیں ہیں۔
دونوں ویرینٹس میں سائیڈ ویو مررز الیکٹرک + آٹو + سائیڈ + سائیڈ ٹرن سگنل ہیں جس میں باڈی کلر ڈور ہینڈلز ہیں۔ ایکس ویرینٹ میں فرنٹ گرل سیاہ رنگ کی ہے جبکہ بیس ویرینٹ میں میٹریل بلیک ہے۔ مزید برآں، ٹاپ ویرینٹ بلیک روف ریلز کے ساتھ آتا ہے جو کہ بیس ویرینٹ میں نہیں دی گئی۔
دونوں ویرینٹس شارک فن اینٹینا، ڈے اینڈ نائٹ انسائیڈ رئیرویو مرر اور بیک مانیٹر کے ساتھ آتے ہیں۔
انٹیرئیر
ٹاپ ویرینٹ میں ریئر AC وینٹ کے ساتھ ڈوئل زون کلائمیٹ کنٹرول ہے جبکہ بیس ویرینٹ میں سنگل زون کلائمیٹ کنٹرول ہے ریئر AC وینٹ بھی نہیں دیا گیا ہے۔ دونوں ویرینٹس میں ملٹی انفارمیشن ڈسپلے 4.2 انچ کا ہے، اس کے ساتھ ساتھ پش سٹارٹ، سمارٹ انٹری آپشنز، اور EPS ٹیلٹ + ٹیلی سکوپ سٹیئرنگ جیسے فیچرز بھی دئیے گئے ہیں۔ تاہم، ٹاپ ویرینٹ میں سٹیئرنگ میٹریل 3 اسپوک لیدر ہے جبکہ بیس ویرینٹ میں 3 سپوک یوریتھین ہے۔
ٹاپ ویرینٹ میں سٹیرنگ میں MID + آڈیو + ٹیلی فون + وائس کنٹرول + کروز کنٹرول کے سوئچز ہیں جبکہ بیس ویرینٹ میں کوئی کروز کنٹرول سوئچ نہیں ہے، یعنی اس ویرینٹ میں یہ آپشن غائب ہے۔ کمپنی صرف ٹاپ ویرینٹ میں مون روف پیش کر رہی ہے۔
1.8 ایکس ویرینٹ میں انفوٹینمنٹ سسٹم میں 9 انچ کا کپیسیٹیو ڈسپلے ہے جبکہ دوسرے ویرینٹ میں 7 انچ کیپسیٹیو ڈسپلے ہے۔ دونوں ویرینٹ میں بلوٹوتھ، یو ایس بی، ایم آئی سی، وائی فائی ریڈی، وائرلیس ایپل کار پلے اور اینڈرائیڈ آٹو سپورٹ کے ساتھ ساتھ وائی فائی پیئرنگ اور رئیر کیمرہ ڈسپلے دیا گیا ہے۔
