کرولا کراس کے ہائبرڈ ماڈل کو متعارف کرانے کے بعد، انڈس موٹر کمپنی (IMC) نے اب اپنی کراس اوور ایس یو وی کا پیٹرول ویرینٹ بھی لانچ کر دیا ہے۔ یہ نان ہائبڑد کرولا کراس کے دو ویرینٹس لانچ کیے گئے ہیں۔ جن میں 1.8 اور 1.8 ایکس شامل ہیں۔
اس سے قبل، کمپنی نے دسمبر 2023 میں پاکستان میں مقامی طور پر اسمبل شدہ ہائبرڈ کرولا کراس کو لانچ کیا تھا۔ سس بلاگ میں ہم نے کار کی کچھ مخصوص تصاویر لے کر آئے ہیں جو یہ گاڑی کے انٹیرئیر اور ایکسٹیرئیر کو تفصیلی طور پر بیان کرتی ہیں۔
ایکسٹیرئیر
گاڑی 215/60/R17 ٹائروں اور 17 انچ کے الائے رمز کے ساتھ آتی ہے۔ ایکس ویریئنٹ (ٹاپ ویرینٹ) میں ہیڈلائٹسب بائی بیم ایل ای ڈی ہیں جبکہ بیس ویرینٹ میں ہیلوجن ہیں۔ اس کے علاوہ دونوں میں ڈی آر ایلز اور فالو می ہوم آپشن کے ساتھ آٹو لائٹ سسٹم ہے۔ اسی طرح، ٹاپ ویرینٹ میں بریک لیمپ ایل ای ڈی اور بیس میں ہیلوجن ہیں۔ ٹاپ ویرینٹ ایل ای ڈی فوگ لیمپ کے ساتھ آتا ہے جو بیس ون میں دستیاب نہیں ہیں۔
دونوں ویرینٹس میں سائیڈ ویو مررز الیکٹرک + آٹو + سائیڈ + سائیڈ ٹرن سگنل ہیں جس میں باڈی کلر ڈور ہینڈلز ہیں۔ ایکس ویرینٹ میں فرنٹ گرل سیاہ رنگ کی ہے جبکہ بیس ویرینٹ میں میٹریل بلیک ہے۔ مزید برآں، ٹاپ ویرینٹ بلیک روف ریلز کے ساتھ آتا ہے جو کہ بیس ویرینٹ میں نہیں دی گئی۔
دونوں ویرینٹس شارک فن اینٹینا، ڈے اینڈ نائٹ انسائیڈ رئیرویو مرر اور بیک مانیٹر کے ساتھ آتے ہیں۔
انٹیرئیر
ٹاپ ویرینٹ میں ریئر AC وینٹ کے ساتھ ڈوئل زون کلائمیٹ کنٹرول ہے جبکہ بیس ویرینٹ میں سنگل زون کلائمیٹ کنٹرول ہے ریئر AC وینٹ بھی نہیں دیا گیا ہے۔ دونوں ویرینٹس میں ملٹی انفارمیشن ڈسپلے 4.2 انچ کا ہے، اس کے ساتھ ساتھ پش سٹارٹ، سمارٹ انٹری آپشنز، اور EPS ٹیلٹ + ٹیلی سکوپ سٹیئرنگ جیسے فیچرز بھی دئیے گئے ہیں۔ تاہم، ٹاپ ویرینٹ میں سٹیئرنگ میٹریل 3 اسپوک لیدر ہے جبکہ بیس ویرینٹ میں 3 سپوک یوریتھین ہے۔
ٹاپ ویرینٹ میں سٹیرنگ میں MID + آڈیو + ٹیلی فون + وائس کنٹرول + کروز کنٹرول کے سوئچز ہیں جبکہ بیس ویرینٹ میں کوئی کروز کنٹرول سوئچ نہیں ہے، یعنی اس ویرینٹ میں یہ آپشن غائب ہے۔ کمپنی صرف ٹاپ ویرینٹ میں مون روف پیش کر رہی ہے۔
ان مخصوص تصاویر کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
